الكاتبــة ايـات المـهدي
هلي قبل لا احجي انتم حسوا بية
هلي مو مال اوصيكم علية
{}{}{} {}{}{} {}{}{}
حين بدء كل شيء بالتغير حين وصول لحظة الاستبدال انغرست في داخلي وحشية الصمود لاعيش بقوة بدل الموت ببطء ...
فتحت عيوني واباوع للساعه شفتها بالتسعه واليوم جمعه بس بعدني نعسانه اعتب على نفسي بكلمات كل نهار اكررهم لنفسي
هسه اني لازم كل ليله اكضيلي اربع ساعات بالفراش
ضاع وقت النهار جان درست للامتحان ولو تعودت اكضي وكت واسخت و من توصل للدراسه أجلها قبل الامتحان بـ ساعه يالله ضميري الدراسي يكون تحت السيطره
كمت بدلت على السريع ومشطت شعري ولازم مضيعه القراصه مثل كل مره ومن اريد اربطه اخذ قراصة حور وهيَ نايمة لفيت شعري اخذتلي نظرة على حور وحوراء وحده نايمه فوك الثانيه جنهم كوالا لمن يشبك الشجره حور الكوالا وحوراء الشجرة عفتهن و نزلت لكيت مرت عمي بالمطبخ
زُمرد : صباح الخير عمه
غنى : صباح النور من شوكت كاعده ؟
زُمرد : ماصارلي هواي توني كعدت
غنى : شعدج نايمة لحد الان؟ لوكعدتي البنات
: شفتهن نايمات وحده فوك الثانيه وكلت خطية شوي واصعد اكعدهم
غنى : عوفيهم نايمات امتحانات راح تبدي بس الله يستر من حوراء بس لا تصخمها سنة ثانية
جانت تحجي بحركة وتتحسب كلت بحماس
زُمرد : اي عمه حتى اني عندي امتحان
خزرتي عبالك الدرسة لشخص واحد بتفكيرها اذا نجح البقية رسبوا
غنى : انتي تبطلين اول تالي وتكعدين بالمطبخ حالج من حالي بس هنَ غير مستقبل وشهايد ووظيفة حور شاطرة بس للازم يشدون حيلهم
دارت وجهه تكمل طبخ بكل مرة اريد ارد يخليها تفور من العصبيه وتطفى بثواني بس خوفي من العقاب جان اكبر ما جنت احب احد يقلل مني او يصخرني على تنظيف بس خوفي من الاهانه والضرب جان مقيدني
شكد جنت اقنع نفسي بتفكيري لو بقيت هيج تأذه اكثر واكثر مو سهل الانسان يشوف نفسه ينذل ويسكت؟
خليت القوري على النار افكر بكلامها الي مراضيه بي ابد وكلت بداخلي بسبب التفرقه المبينه ذيج هي كـَ وضوح الشمس واني شنو فرقي عن حور وحوراء وقررت ادرس بكل ما عندي من قوة اذا ارسب تاخذها عمتي حجه حتى تبطلني ماحسيت على نفسي بس من صار صوتي مسموع بالتفكير
زُمرد : بعيده عن سنونها بالعباس
نظرتها عليه بحاجب مرفوع
: شنو
زُمرد : ها
: شنو ها شكلتي
زُمرد : كلت لو ابلش تنظيف هسه الحك اكمل
أنت تقرأ
جناح الشمس
Romance" جَناح الشمـس " كانت تركض في الظلام، قدماها تقطعان الطرقات وكأنهما تعرفان طريقاً لا تدركه هي. أنفاسها المتسارعة تلتهم الهواء البارد، والخوف يلاحقها كظل ثقيل لا يمكن الهروب منه. خلفها كان هناك من يسعى خلفها، أناس بوجوهٍ باهتة، يتربصون بها، يبحثون...
