جناح الشمس

part 2🖇♡

الكاتبــة ايـات المـهدي

شردت من السجن مو لان وكته طويل
ولا مضايك من الكعده والكومه
واحد مختلف يرضا على نفسه شلون
هدوم السجن كلها مشابه هدومه

{}{}{} {}{}{} {}{}{}

رحت بسرعه غسلت وجهي ودخلت للغرفة بدون لا افكر بس بكلبي انزرع أمل جبير أن كلشي راح يتحول للأفضل انتضر باجر خالتي تجي يعني راح تتعدل حياتي الكئيبه

ردتت بكلمات قبل نومي جانت تضمن
"يا الله ان شاء الله ياربي ان شاء الله تجي وتكدر تاخذني منهم حلم اخلص من هل البيت هذا"

انتهت الكلام وغلب النوم كل الافكار
لمن تحس بحساس الامان
مو نفس اليطلب هالاحساس ويعيش بمذله، بخوف، برجفه، وامنيه لعل وعسى يحس بهالشعور، ويبقى لكل شخص امنيه ولها كلمتان تتحقق او لا تتحقق ف الله هو وحده العالم بالغيب

صار الصبح و التفكير تعب راسي وتعبني خالتي شلون راح تجي هسه اصلا هيَ شلون عايشه كل هل سنين ماعدها جهال ولا تعرف احد هناك من توفه زوجها قبل اكثر من عشر سنين بعد تفكير دام لفترة طويلة كمت نزلت لكيت عمتي تخابر

غنى : خيه رتبي الي جم قطعه ملابس خاف الناس يسألون ع القليله طالعه من بيتنه مو فارغة
حبيبتي من اليوم الاحد للأربعاء كمليهن
فدوه لعينج هاي هيَ صايرين هلو

زُمرد : عمه اني مااريد ابطل ولا اريد ازوج حبابه

غنى : شعلي اني شفتي عمج عباس انطى حجايه للناس حضري نفسج عدج خمس أيام للعقد

زُمرد : عمه ابوس ايدج بقيني حالي من حال بناتج فدوه اروحلج

غنى : شنو انت اجابج على بناتي لا تخلين نفسج وياهن مو كافي ربيتج سنين شكد تعبنه عليج

من سمعت هيج ماكدرت اتحمل ابد حجيت الي بودي احجي من زمان حجيت الالمِ

زمــرد:- شوكت ربيتيني ؟؟
عمري كله كضيته وياكم عبالك تدفعولي فلوس الاهانه والكرب الاخذه منكم
ماخفتي باليوم الي تلاكين بي امي شتكوليلها
شسويت لبنتج ؟ ضربتها؟؟ اذيتها؟؟
اني شنو سويت حتى استاهل كل هل اذيه منج ؟؟
زين اني شنو سويتلكم حرمتوني من كلشي ليش؟؟
ياريت متت بالحادث وي اهلي
ولا باقيه جوه رحمتج انتي وعمي
هل تحسون بشعوري لو حجيت للحايط يحن جان هم حن ولو بعض البشر مثل الحجر

صفنت بوجه لا بيدها تمدها علي ولا تسكت عني
: والخلق محمد ماتبقين للخميس هسه يجون ياخذونج

شفتها اخذت التلفون ورادت تتصل سحبته بسرعة وشمرته على الشباك سحبتني حيل من شعري قربتني منها وشمرتني حيل على الارض حسيت ايدي انكسرت

سحلتني سحل من شعري صعدتني الدرج خلتني
بغرفه بصف غرفتنا مثل المخزن

زُمرد : عوفيني