الكاتبــة ايـات المـهدي
هلي وموش بهله ينگاد خسران
هلي اكثر من زعلكم گلبي تعبان
شربت الشوف زحمه بنظرت الناس
شربت اليل كله بضيجه الكاس
هلي والماله اهل ماعنده عنوان
{}{}{} {}{}{} {}{}{}
ارتبكت وركضت بسرعه اول ما وصلت ردت اصعد مااكدرت افتح الباب رحت من جهته بسرعه قبل لا يسد الباب كعدت بحضنه سحبني علي سريع وشغل السياره وضل يسوق
لحد ماطلعنه من الفرع كال
مصطفى : ناويه تباتين بحضني؟
خجلت بسرعه وكمت طفرت للكرسي الي بصفه ووجهي نار مشتعل
زُمرد : راح يبقون يلحكون ورانه
باوعلي ببرود وكال
مصطفى : وين كاعدين بالمكسيك شعدنه مافيا وهيَ لو يلحكونه لو يركضون ورانه يلحكون ورانه شنو
حجيت واني فاتحى عيوني
زُمرد : يعني يتبعون اثرنه
صفن بوجهي وهز راسه بالاخير وكال
مصطفى : يا ستار ياربي
سكتت
مصطفى : يي ست زمرد خالتج منو احجي
زُمرد : شوف عمو
خزرني وكفت عن الكلام من الخوف
حجه بصياح وهو يخزر
مصطفى : شايفتني مشيب لو بكد الخلفج عمو شنو كون العمه عيونج.
ماهتميت لكلامه واردفت
زُمرد : اني اجيت اروح لخالتي بس لاكتني هاي المرة ونسيت جنطتي يمك
مصطفى : ليش اهلج وين؟
باوعت بوجهه ردت اجاوب بس دموعي ماتركني احجي شي سؤال بسيط وعادي بي جوابه عندي يحركني الف مره خليت ايدي على عيوني وبس صوت شهكاتي تنسمع فجر السؤال كل دموع الاحداث المخزونة
حجيت وصوتي ضايع من كثر مابجيت
زُمرد : وديني الها الله يخليك وديني لخالتي
حجه بضياع شبه عصبي بس ماكدر يصيح واني ابجي
مصطفى : هو اني ادري هيَ وينها شسم المنطقه عنوانها انتِ كوليلي وين واني اوصلج
امسح بـ دموعي واحجي وياه.
زمــرد:- ماادري بالضبط بس اسم المنطقه
وهيَ خياطه اسمها نسرين مرة جبيره.
مااجاني صوته وخرت ايدي عن عيوني شفته يرجف من الضحك
عكدت حواجبي واني اباوع عليه حجه وهو بالكوه لازم ضحكته
مصطفى : تردين تشتغلين وياها قصدج خياطه؟
عيوني مليانة دموع وجاوبت
زُمرد : اي والله
رجع يضحك خله ايديه على وجهه ويستغفر
بالاخير طلع منه بصوت ناصي
أنت تقرأ
جناح الشمس
Romance" جَناح الشمـس " كانت تركض في الظلام، قدماها تقطعان الطرقات وكأنهما تعرفان طريقاً لا تدركه هي. أنفاسها المتسارعة تلتهم الهواء البارد، والخوف يلاحقها كظل ثقيل لا يمكن الهروب منه. خلفها كان هناك من يسعى خلفها، أناس بوجوهٍ باهتة، يتربصون بها، يبحثون...
