العشق المرهون... بقلم yara taha

البارت الثامن❤

حضريلنا العشا ياداده
هتف بها يونس وهو يصتحب يحيي الي المقاعد المتراصة
ليهتف يحيي وهو يتحسس بطنه بترجي:اه ياداده بالله عليكي بسرعه عشان واقع من الجوع والموضوع اللي جاي ليونس فيه يفتح النفس اكتر واكتر
لتجيب ميرفت بابتسامة وهي تشير نحو عيناها:من العين دي قبل العين دي عشر دقايق بس والاكل يكون جاهز
هتفت بكلماتها وانطلقت للشروع في اعداد الطعام
ليهتف يونس وهو ينظر نحو يحيي بابتسامة:طب اي شوقتني خير موضوع ايه
قالها وهو يجلس علي مقعده ويحيي واقفا في قبالته واتسعت ابتسامته التي لم تفارق شفتيه ليردف بحماس: اتقدمت لفاتن ووافقت وجاي انهارده عشان اعرفك واجيب لوازم الخطوبة عشان نتمم الخطوبة بعد بكره
شهق وهو يفزع من مقعده يتسائل بعدم تصديق: بتتكلم بجد يايحيي! بجد وافقت
ضحك يحيي بفرحة حتي اغمضت عيناه وهو يردف: والله العظيم وافقت
زادت صدمة يونس ليحتضنه وهو يقهقه عاليا ويدور به في المكان ويردف بفرح: ايوه بقا يايحيي ياجااامد واخيراااا

********
تتلفت حولها وهي تركض تري الي اي مدي بعدت عن براثنه تكاد تنقطع انفاسها وضعت يدها تتحسس موضع قلبها ومازالت في محاولة الهروب من قبضته تفاجأت بشخص امامها لتصرخ بهلع وصوت امرأة يتردد باذنها
_خدي بالك من نفسك ياصدفة خدي بالك من نفسك يابنتي
صرخت الصرخة الاخيرة لتجلس بفزع من نومتها تنهي ذاك الكابوس المرهق وضعت يدها موضع قلبها وانفاسها العالية تصدح بالغرفة ضمت قدميها الي صدرها وهي تضع كفيها علي جانبي رأسها تمسح علي خصلاتها
في محاولة لتهدئة روعها
دق باب الغرفة لتفزع وهي تردف: مين
قالتها ليأتيها الرد علي الفور: اني ام رحيم يابتي
لتهتف بعجالة: اتفضلي ياطنط
قالتها لتدلف والدة رحيم وهي تمسك بسبحتها تردف بقلق بدي علي معالم وجهها ونبرتها: خير يابتي سمعتك عتصرخي چيتك جري فيكي اي يابتي
غصة اصابت حلقها شعور بالاختناق وعدم الارتياح يحاوطها جعلا عيناها تتلألأ بالدموع وهي تردف: كوابيس... كوابيس مطرداني في نومي ومش عارفه انام.. مش عارفه... حاسه اني مخنوقه اوي
نظرت لها امل بحزن وهي تضع يدها علي خصلاتها تربت عليها وهي تهتف: الشر بره وبعيد يابتي ربنا يبعد عنك كل سوء... تعالي يابتي تعالي
قالتها وهي تفتح ذراعيها لتندثر صدفة داخل احضانها ودموعها تنهمر رغما عنها ربتت امل عليها وهي تطمئنها لتردف: بس يابتي بس بكفياكي بكي عاد انا دلوجت اجرالك الرجية الشرعية والقرأن هيهديكي ويبعد عنك كل اذي
قالتها ثم اخذت تمسح علي خصلات صدفة وهي تردد القرأن والادعية علي حسب الرقية الشرعية
استكان جسد صدفة من تلك الرجفة وضبطت انفاسها لتعلم امل انها قد غفوت لم تقوي علي الحراك من مكانها حتي لاتقلقها فـ غفوت هي الاخري

*********
خلصتي ياعزيزه
قالتها امل بتساؤل لتلك المرأة التي تقف بجانبها في غرفة اعداد الطعام
لتردف عزيزه بالايجاب:كل حاچة چاهزه ياست الحاچه
دلف رحيم في تلك اللحظه وهو يقترب من امل يقرب امل نحوه مقبلا مقدمة رأسها وهو يردف: ياصباح الفل علي اعظم ام في الدنيا
لتبتسم امل وهي تربت علي جسده تردف بفرحة: ياصباح المزاچ الرايج وطلتك اللي هتملي الدنيا علي ربنا مايغيبك ابدا ياولدي ويفرحني بيك وتملالي الدار بعيالك
قالتها لينفرج ثغره بقهقة خفيفة ليأخذ قطعة من الشطيرة الموضوعة علي حامل الطعام ويردف قبل ان يضعها في فمه: اااه ياما عيالي كل مره كل مره ماهتضيعيش اچازه اچي فيها من غير ماتفتحي الموضوع دِه
لتردف امل بتساؤل: اعملك ايه ياولدي ماانت اللي لا مريح جلبي ولاباللل ريجي بأي حاچة تفرحني من نواحيك ولا حاطط الموضوع في بالك من اصله
وضع يده علي وجهها يحاوطه وهو يردف: واني ماهفرحكيش ليه بس ياما
يرضيكي يعني اجبلك اي حد كده وخلاص يعني هي اللي هتجوزها دي مش محتاج ادور عليها زين عشان اچيبلك حاچه زينة ولا ايه اومال
لتردف بتحسر وهي توليه ظهرها:وهو الموضوع في تفكيرك من اصله عشان تجولي زينة ولاعفشه
ماعرفاش ارسالك علي بر ياولدي ربنا يهديك ويرزجك ببت الحلال اللي تعمر بيتك وتريح جلبك
إلتف حولها ليقف قبالتها وهو يردف: إيوه ادعيلي ياما ادعيلي ارتاح اني واني اريح جلبك وافرحك طوالي
ماكادت تتفوه لتردف فجر: صباح الخير ياما
..صباح الخير يارحيم
قالتها وهي تقبل وجنته ليربت علي ظهرها وهو يردف:ياصباح الفل ياقمر
لتردف امل: الوكل خلاص هيجهز يابتي يلا روحي صحي فاتن وصدفة بس خدي بالك صدفة تخبطي عليها بشويش ولو لجتيها رايحة في النوم جوي سيبيها احسن ده ياحبة عيني مانمتش طول الليل من الكوابيس
لتردف فجر بحنق:الله ماتخلي حد تاني يروحلها ياما
لتردف امل بحدة خفيفة: فچر ماتنعدلي عاد ويكون في علمك اني واعية زين لمعاملتك النص كم اللي هتعاملي بيها الضيفة انعدلي يافجر ومشي اعملي اللي جولتلك عليه
قالتها لتدبدب فجر بقدميها ارضا تعبيرا عن غضبها وهي تردف: يوووه
فچررررر
قالتها امل بحدة لتركض فجر تنفذ ماامرتها به
لوي رحيم شفتيه بابتسامة ليردف بتساؤل الي والدته: مالها فچر ياما ماطيجاش صدفة ليه
اخذت امل نفسا عميقا تطوي فيه الكثير والكثير لتردف بتهرب: سيبك منها ياولدي هي هيلد عليها حد واصل
تنحنح وهو يدلك رقبته من الخلف يردف:ومالها صدفة في حاجه ولااي
لتردف امل بأسي:ماعرفاش ياولدي كنت هصلي الجيام في الليل وسمعت صراخها روحتلها اطل عليها لجيتها ياحبة عيني مفزوعة من نومتها وهتبكي جعدت جمبيها ومانامتش الا اما جرتلها قرأن يادوبك هديت وغفيت
صدح هاتفه بالرنين ليقطع حديثهم واستأذن والدته يبتعد عنها وهو يرد علي المتصل بلهفة
_ها يا ابراهيم في جديد
_هو مش جديد هي نقطة خستعت مني كده ولما عرفت قولت اعرفك
_طب قول اي اللي حصل
_صدفة اللي قولت لحضرتك عليها امبارح انها كانت بتشتغل في شركة جمال السيوفي طلع انها سيباها اديلها سنتين ومن وقتها بتشتغل في شركة يونس ويحيي بيه واثبتت جدارتها العالية فيها... ان
_يونس ويحيي!! بس الموضوع كده بقا فل