زين البلدان🪐مكتملة🪐

🪐الجزء 2🪐

الجزء2
اصبحنا و اصبح الملك لله...
....:صفاء هناء...فيقو صفاء وا اجيو...فين مشاو هاد وجه نحس والخطية..اخيبت سعدي ومكتوبي توما اجيو...فين غبرو هاد زريعة الحدش تريكت الويل...
صفاء: هناء ويلي فيقي فيقي نهارنا كحل مع مرت با..وهي فحال مول الفران..وجهها لنار وضهرها للعار...
هناء: هاهي تصبح على الامثال تاني...
صفاء: وا فيقي تنعسي ما تنوضي...شوفي فين حنى فالخلا والقيفار....
صفاء: وقف وقف اخويا نسولك...
الرجل: نتوما غراب على القبيلة...واش هاد اللباس...
صفاء: فين حنى شنو هاد البلاصة...
الرجل: نتوما ف بلاد مولاي سلطان صفوان...زينة البلدان...
هناء:شنااااهوااااا...زوينة هادي...الهم المنحوس..خليتو فدار با ولقيتو فدار العروس...
الرجل:اش كتبركمي...سمعي نصيحة ليك نتي...ما هي لا بنهود لا بقدود هي جات غير بسعد السعود...تبعوني راني غادي لسوق...وتمى شوفو مرادكم...
صفاء: وخا الله يخليك...
خبار فزينة البلدان دغيا كتوصل...
العبدة: لالة ام سيدي لالة ام سيدي...
ام سلطان: اش كاينة عبلة...
عبلة: الى ما خفت نكدب الالة ام سيدي...محبوبة مولاي رجعات...
ام سلطان: كيفاش...
عبلة: كيف كتسمعي الالة راه شافوها فطريق المخلية ...
ام السلطان: حالفة طريق حتى تلاقي العدو والصديق...