زين البلدان🪐مكتملة🪐

🪐الجزء 16🪐

الجزء16
صفاء: اوف اش هاد البلاد كلها كحلة ضلام..هانتي حتى من تراب كحل...
هناء: عرفتي نهزو شوية من هاد تراب وملي نرجعو عند شيخ نعطيوه ليه يشوفو...ودكشي لي كان هزو من تراب وخباوه...وكملو طريقهم حتى لقاو مراة جالسة وحداها نعجة وحولي...
صفاء: سلام الالة اش سمية هاد القبيلة...
المراة: هادي قبيلة المعقول اغراس اغراس...
صفاء تفكرات كلام شيخ ملي قال لي بغا المعقول والناس يقصد اغراس اغراس...و زدت ربطات كلامو على الكراب و تراب لي كيرجع دهب قلبات جيبها لقات بلي فعلا تراب رجع دهب...
هناء: ونتي الالة واش ساكنة بوحدك فهاد القبيلة..
المراة: لا بنتي كاين ناس كتار ومخفيين يبانو وقت الحزة..وهدشي كامل بسباب عقيسة...
صفاء: وشنو كديري...
المراة: كيف كتشوفي ابنتي هاني كنساين النعجة تولد لي الخروف...هاهو راسو بان...بقات المراة حاضية حتى خرج الخروف كامل...
المراة: وها واحد اخر تزاد بلا صوف...كانت صفاء كتشرب وهو يوحل ليها الما ودغيا دفلاتو..وما جا غير فالخروف لي بدا كيتكون ليه صوف...
المراة:الله اكبر...نتوما بنات القاضي نتوما هما لي تفكو سحر القبيلة ياك...
هناء: لاواه بنات زطاط اشمن قاضي حنى بنات عاديين جينا من اخر زمان و بلادنا ماشي بحال بلادكم...
المراة: لا بنتي نتي هي زينة الهنا مراة الوزير وهادي اكيد ختك زينة الصفا مراة مولاي السلطان...نتوما لي من صغركم تفكو الكلام واللجام حتى تسحرتو بحالكم بحال زين البلدان...
صفاء و هناء: لا هدشي بزاف زدتو فيه...
صفاء: اري ديك البريكة جابو لي طيارة فراسي هاد القبيلة...وزيدي قدامي نرجعو بحالنا ...
هناء: طفي زبل حشومة تشعليه قدام المراة...
المراة: ما كاين رجوع حتى يتفك كاع سحر البلاد والعباد...