زين البلدان🪐مكتملة🪐

🪐الجزء 12🪐

الجزء12
خداو البنات قرار يبقاو حتى يشوفو اش يوقع..
*فقصر مولاي السلطان*
سلطان: كاع ناس مجموعين او نص البلاد مجموعين...لي جاب لي دوك 2 بنات لي كيحلو سحر القبيلة غناه الله..بغيتهم حيين انا نشوفهم...
عبلة: لالة ام سيدي لالة ام سيدي
ام سلطان: اش كاين اعبلة...
عبلة: شاكة بلي دوك البنات هما الخوتات بنات القاضي...
ام سلطان: هدشي لاش هدرت مع مولاي يلقاهم قبل من عقيسة...
قاطع كلامهم غوات صمك الودنين و تلف كاع ناس الحاضرين...
دارو يشوفو لقاو الساحرة عقيسة واقفة بين ناس
عقيسة: لاااااا قبيلة ضلام لااااااا نقتلكم ابنات القاضي..
سلطان: حدك تم اعقيسة تقربي ليهم راسك يتقطع
عقيسة: الكلام كلامي و الحكام حكامي
سلطان: سحرتي كاع البلاد والعباد وفرقتي الحباب
عقيسة: هدا غلطك امولاي نتا سباب.. واش نسيتي كنا حباب و صحاب و كان زواجنا على الابواب فالاخر خليتيني على قبل بنت القاضي...
سلطان: الغلط غلطك نتي السحارة لي فرقتي الحباب و شحال طلبتك تبعدي من سحر ولكن ما كتسمعيش...
عقيسة: نخلي زينة البلدان رماد الى ما كنتيش ليا..
سلطان: فك واندم ولا تخل وتندم
عقيسة: اللي خدم فاح ولي ارتاح ضرباتو الاقراح
فاقو البنات على ضو الشمس ضارب فيهم ضو قوي عما ليهم عينيهم...عاد بان لهم الكهف  بقاو غير كيدورو فبلاصتهم كي عقدة التسابيح...وهما يشوفو جهة تانية من الكهف كانت كلاهم كلام وحكام
صفاء: ادا صحبت اصحب الدهوت وادا ركبت اركب السروت
هناء: اجي قراي اش مكتوب...
صفاء: ما يتفك سحر قبيلة الضلام الى بشعلة من اخر الزمان...
هناء: ما فهمتش...
صفاء: هادي قبيلة الضلام وحنى ضوينا الكهف بالبريكة وهدشي لاش تفك سحرها ما تنسايش حنى جايين من اخر زمان...
هناء: اجي نضربو سلفيات وملي نرجعو نحطوهم فالفيس 😂
صفاء: موحال نرجعو اهناء..
بقاو هكاك كيهدرو حتى سمعو  صوات كتير فباب الغار  وهما يعاودو يتخباو حتى وقف عليهم راجل كبير وجهو منور و باينة عليه كبير القبيلة...
الشيخ: مرحبا بيكم فقبيلة الحكمة والمثال و حتى قبيلة الضلام  او كيف كتسمى قبيلة النور و النوار حنى 2 قبيلات ف قبيلة وحدة
صفاء: شنوووو
شيخ: تبعوني...
صفاء: حاجة الخاطر كتسوا القناطر اسيدي...
الشيخ: العداوة تابتة و الصواب يكون تبعيني امرات سيدي ومولاي...
تبعوه البنات وهما ما فاهمين والو