زين البلدان🪐مكتملة🪐

🪐الجزء 10🪐

الجزء10
البراح: يا اهل القبيلة ناس الخير ما تسمعو الى خبار الخير.. قالت لكم لالة ام سيدي  ايمان..راه مولاي الحاكم صفوان رجع و من سحرو تفك قالت لكم الحفلة 7 ايام ليل ونهار يحضرو ليها كبار وصغار يحتافلو برجوع مولاي سلطان...
كلشي سمع البراح خصوصا قبيلة الحماق...
صفاء: اش بان لك نمشيو..
هناء: لا كيبان لي نمشيو لقبيلة الحكمة...ما حد كلشي مشغول
صفاء: زيدي ههه رجعنا بحال لي كيقرا ياسين على قلوب الكافرين😂
تعاشات العشية و البنات جمعو رحالهم لقبيلة الحكمة قطعو طريق المخلية و جلاتهم لقبيلة المضلمة..قبيلة كانت نور على نور ناسها عايشين بلي قسم الله كانت قبيلة بيضة ومضوية..حتى تلاح عليها سحر عقيسة و كحلها وكحل ناسها وقلوبهم...دخلو البنات بين ضلام القبيلة ما عارفين ما يقدمو ما يأخرو ما عارفين نهارهم من ليلهم طريق ضلام و سما ضلام النجمة ما دور..بقاو غادين حتى سمعو حس الغاشي والماشي..قلبهم ضرب وهما ما عارفين راسهم فين...عطاو رجليهم لريح..من بعد ما كان غاشي واحد رجعو غشيات كتار و الغوات كتار..كاع ناس القبيلة باغيين يشدو لي هاجم عليهم..بقاو البنات يجريو مشادين من يديهم حتى لواحد اللحظة زلقات رجليهم...و فكهف كبير طاحو على يديهم...
ارائكم كيفاش البنات يقدرو يفكو سحر هاد القبيلة المضلمة وشنو يوقع ليهم فالكهف