زين البلدان🪐مكتملة🪐

🪐الجزء 23🪐

الجزء23
قبل ما نبداو حكايتنا خصكم تعرفو انني كنكتب قصة شيراتون { العائلة اليهودية} كنكتبها يوماين متابعة ونهار ثالت عاد كنكتب ف زين البلدان..والاهم من هدشي هو انه الى ما كنتش كامية الحشيش و مبوقة الراس مزيان راه ما نقدر نكتب حتى حرف فالقصص ب2..دابا هانتوما فهمتو مزيان و دابا نكملو حكايتنا على بركة الله.....
وصل مولاي سلطان و الوزير ديالو القصر...الخبار وصلات لقصر وتنتشر فكاع القبيلة..بلي سلطان لقا محبوبتو وسلطانتو ورجعو...
ام سلطان: فين زين الصفا امولاي...
السلطان: ما عرفت قطعنا الطريق ب4 خصهم يكونو هنا..
ام سلطان: اش نديرو فهاد الحريرة تاني...
عبلة: لالة ام سيدي ما يكونوش قصدو شي قبيلة اخرى...
ام سلطان: طلقو البراح يجيب خبار سلطانة مرات سلطان...
السلطان: دارتها بيا جنية تاني...وهادي لي ما كنت ضارب ليها حساب...
ام سلطان: حسابك حسبو فراسك..ودابا عاود هز رحالك..ما تدي معاك لا مونة لا واحد من رجالك...وما ترجع نتا و وزيرك حتى ترجعو سلطانة وختها..
السلطان: ايه والبلاد شكون يسيرها..شكون يفك شغال العباد والتجار ولغاهم وصداعهم فالسواق...
ام السلطان: سنين ونتا مسحور...شكون كان مسير القبيلة فغيابك دوي..كيف كانت كيف تكون المهم سلطانة ترجع بيناتنا تعيش فالحفض والصون...
السلطان: تلفات بيه دنيا حتى كيقول تقادات من جيه وتعاود تعواج من جيه...دار براي مو وما دا معاه لا مونة لا ماعون...قصد قبيلة الحماق حيث تمى كانت البداية...بدا يسول ويعول..لا خبار ولا كلام عليهم...تقول الارض تشقات وبلعاتهم..نهار كامل وهما يسولو حتى عياو..وهي توقف عليهم مراة..هبيلة وبوهالية شعرها مخبل وحوايجها درابل...
المراة: قصدو قبيلة الحكمة وعند كبير تعرفو مرادكم...
السلطان: قبيلة الحكمة...
المراة: عكوبتهم لبلادهم و اصلهم عكوبتهم لبلادهم واصلهم بقات غادة وكتعاود نفس الكلام حتى غبرات من قدامهم..