الجزء9
بقاو غاديين حتى وصلو لواحد سوق عامر نسا و رجال حالتهم تشفي العديان كلهم حماق و هبال غير شافوهم البنات ..وهما البنات نطقو وتكلمو بلا ما يعرفو ولا يفهمو...
صفاء و هناء: السوق حامي و الدلال رامي و الشاري عمى غير سلاو كلامهم كاع القبيلة شعل فيها نور هاد المرة ما لقاو فين يهربو رجلين فشلو و ركابي تحشو...
زطاط:ما تخافوش ادا حبك القمر بهلالو اش عليك في النجوم ادا مالو
صفاء: لا حبيب الى حبيب شدة
فاقو ناس يزغرتو و يغوتو وهما فرحانين..
المراة: لالة سلطانة زين صفا و لالة زينة الهنا عمرنا نساو خيركم فكيتو سحرنا و رجعتو لينا عقلنا..نحتافلو بيكم اسبوع بليلو و نهارو عاد نخليوكم تمشيو لقبيلة الحكمة...
صفاء: قبيلة الحكمة اجي لالة شكون هاد سلطان صفا و الهنا شافت فيهم المراة مزيان و عرفات بلي حتى هما عليهم سحر عقيسة...
شوية تسمعات ضحكة قوية و بين ناس القبيلة تقدمات مراة كبيرة لابسة كلشي كحل بحال الغراب...كاع ناس القبيلة خافو منها الى صفاء و هناء لي بقاو واقفين يعرفوها شكون هي..
عقيسة: حليتو اول سحر ولكن الباقي ما نخليكم تحلو مولاي سلطان ليا تخلق يكون ماشي ليك ابنت القاضي...
صفاء: الحبق من يدنا سبق و تفاح من يدنا فاح
هناء: المفننة وقر و السكات من الغدر..
صفاء: عزيز نفس يعطي الحق ما يطلبه
عقيسة: مزال نتلاقاو و بينا شلا كلام وحكام وانا نوقف فطريقكم ما تفكو سحر ما تحلو لجام الحكام
أنت تقرأ
زين البلدان🪐مكتملة🪐
Romance💎مكتملة💎 ❌حصرية على الواتباد❌ 🏵🏵وسسسع وسسسع انا جيت تاني🏵🏵 و جبت معايا حكاية 💥💥 قصة 🔥رمضانية حكواتية🔥... للكاتبة : ★جوديا الرماش ★ حصريااااااااا⭐ { 🌸احلل النشر مع الاحتفاظ بنفس الصورة و المقدمة🌸 }.. حكايتنا حكايات نسهرو بيهم ليلي رمضان...
