الجزء3 بقاو تابعينو حتى وصلو الطريق المخلية...غير هو داز وطريق تبدلات ما بقاو عارفين ما يقدمو ما يوخرو... صفاء: تي فين طار راجل... هناء: ترجلو رجلة وتنطحو عجلة...زيدي ندوزو من نفس طريقو... ودكشي لي كان بقاو غادين ما هما وصلو لسوق ما طريق تقادات...عياو و جهدهم تحد وتهد...طاح ليل وبانت كمرتو هناء: انا عييت يلاه ندقو على ديك دار نطلبو ضيف الله... صفاء: زيدي... تمشاو حتى وصلو لدار عياو يدقو ما كاين لي يجاوب...دارو شرع يديهم ودخلو... صفاء: اوا دخول ها حنى دخلنا اوا جوعنا كي نديرو نسكتوه..عرفتي جلسي هنا انا جاية... هناء: فين غادة رجعي... مشات ختها وخلاتها حتى سمعات صوت من وراها.... ....: شكون نتي واش دخلك لهنا...واش عارفة الهاجم يموت شرع... هناء: امن عليا اسيدي ونحكي ليك الحكاية من اولها ل اخرها.... ...: دوي عليك الامان الى قلتي صارحة وما كدبتيش... هناء: انا نحكي ليك قصتي..وبلا شك يحن قلبك و تخليني نمشي... ...: نخليك تخرجي بشرط تفكي لي لغز حياتي...و نعقل على راسي شكون انا...والى عطيتيني الجواب الكافي...غير امري و دمري تحضر فالحين...ودابا سمعي ابنت ناس طلبتي الامان و امنت عليك...وكلمتي ما نرجع فيها..وزني كلامك و قصري لسانك بداي حكايتك نسمعك...و نواعدك وعد الحر دين عليه..الى لقيتي شي حل فاش انا واحل...ما غادياش تحتاجي شي حل البيبان يتحلو فوجهك... *عند صفاء* بقات كدور فداك ليل حتى بان ليها واحد الضو فواحد الدار... 👊 دقات و تسنات الجواب..حتى خرجات ليها مراة شارفة...الشوفة فيها تسكت القلب.. صفاء: السلام وعليكم. السحارة: والله كون ما كان كلامك سبق كلامي و سلامك سبق سلامي حتى نطيبك فالقدرة لعمامي وخوالي كعملت لحمك ف لقما ودمك ف جوغما ، آش بغيتي ؟ ردت صفاء وهي ترتجف من الخوف : بغيت شويا د العافية باش نطيب الخبز ديالي ... السحارة:تبعيني...
اوووه! هذه الصورة لا تتبع إرشادات المحتوى الخاصة بنا. لمتابعة النشر، يرجى إزالتها أو تحميل صورة أخرى.
