حواديت أحمد وحُلم

سنلتقي يومًا ما

-أحمد
=امم
-احنا هنفضل كدا كتير؟
=كدا ازاي؟
-فتور بينا، مش بنشارك بعض حاجه، منعرفش حاجه عن بعض، مش موجودين في حياة بعض من الأساس
=فترة وتعدي يا حُلم متشغليش بالك
استفاقت من ذكراها تلك وهي تقول: فضلنا فوق الشهرين بنتعامل ببرود قلبي كان بيوجعني كل مرة بيبقى بارد فيها كنت بفرح لو جت مسدج منه كنت بفرح بوجوده بس في يوم كنا بنتخانق وقالي أنه زهق مني
Flash Back
=حُلم بصراحه إنتِ بقيتي لا تطاقي بجد وأنا زهقت
-زهقت مني؟
=آه كل حاجه خناق ونكد وقرف وأنا اتخنقت مش كل حاجة كدا خليكي هادية شوية
-تمام يا أحمد
=حُلم أنا مش هقدر أكمل آسف
Back
تحدثت صديقتها
:قالك كدا؟
-امم
: وبعدين؟
-مشي بقالي أربع شهور معرفش عنه حاجه حتى الصدفه مش بتجمعني بيه أد ايه هو وحشني وحشني كلامه وطريقته ونظرته وكل حاجه بينا وحشتني
:انسيه يا حُلم دا محبش
-تعرفي اد ايه سهلة عليكي تقولي انسي عشان معشتيش تجربتي معاه متعرفيش يعني روح تتعلق بحد أنا أنسى نفسي ومنساش أحمد بينا حاجات كتير أوي تثبت الحب وأعلى مراحله كمان نجمة أنا تعبانه من بعده فعلًا
اقتربت صديقتها وضمتها لها:حبيبتي اهدي ان شاء الله لو كان خير كان هيبقالك ولو فيه خير ربنا هيرجعه ليكي يا حُلمي
-شكرًا لوجودك
:ايه يابت الرسمية دي مش متعوده عليكي كدا بقولك ايه؟
-امم
:تيجي نخرج؟
-لا مش قادرة
:حُلم بليز بقا يلا هنرجع بسرعة
-اعععع ماشي متبصليش كدا بس هنروح فين؟
:المول
-ماشي هروح البس
وقفت أمام خزانة الملابس تتفحص ملابسها جميع تلك الملابس كانت له ذكرى معها ملابس يحب ان ترتديها وملابس يخبرها أنها لا تليق بها واخرى ضيقة واخرى تزعجه وقعت عيناها على بلوزة سوداء كان قد أخبرها بمدى حبه لتلك القطعه قررت ارتدائها لعلها تطفيء نار قلبها من شدة الاشتياق
-يلا
أطلقت شمس صفيرًا
:حُلم الجامده جموده بقااا
-متأڤوريش ويلا
:تعالي هنروح المول نشتري شوية حاجات وبعدها نجيب أكل ونتمشى شوبه ونجيب قهوة ونروح
-امم اتفقنا يلا
بعد السير بين المحلات من هنا إلى هنا وقعت عيناها على محل اكسسوارات من الفضة سرحت بذاكرتها لذكرى بينهم
Flash Back
=حُلمي
-عيونها
=تعالي هجيبلك حاجه
-بس أنا مش عايزة حاجه يا أحمد
=تعالي بس
:أهلًا استاذ أحمد اتفضل
=أهلًا بحضرتك، عايز السلسلة اللي طلبت أصممها
: تمام يا فندم، اتفضل
=حُلم
-الله يا أحمد دي زي اللي أنا كنت بقولك عليها بجد شكرًا دي غالية على قلبي أوي
=مفيش حاجه أغلى من وجودك وأي حاجه تتمنيها هحققهالك
"كان سلسال به فراشة وتزين الفراشة من منتصفها بإسم حُلم"
=عجبتك؟
-أوي بجد أنا بحبك أوي
Back
فاقت من شرودها على دمعة ساخنه ضلّت الطريق من عينيها وضعت يداها تتحسس ذلك السلسال على رقبتها وبداخلها تتسائل متى سيعود لها
:حُلم مالك
-مفيش ممكن نمشي من هنا؟
:آه طبعًا تيجي ناكل؟
-تمام
:تطلبي ايه؟
-اممم، ممكن شاورما فراخ
:اوكي هروح اطلب وآجي
-تمام
جلست تلعب بهاتفها تنتظر قدوم نجمة حتى قاطعها صوت تعرفه جيدًا
=وحشتيني
-أحمد؟
=وحشتيني
-جاي ترجع دلوقتي، دلوقتي وحشتك
=كنت غلطان الحياة من غيرك متسواش فعلًا
-مبقاش ينفع مبقتش أحبك
=حُلم اكدبي على حد تاني
-مش بكدب
=لو كدا فعلًا لسه لابسه السلسلة اللي جبتها ليه؟ مش دي البلوزة اللي كنت بحبها عليكِ؟ لسه بتعملي كل حاجه كنت بقولك عليها كدا ومش بتحبيني؟
-عرفت دا كله منين وعرفت ان انا هنا منين؟
=تقدري تقولي براقبك اما بقا عرفت ان انتي هنا منين شفتك صدفه بس عشان اكلمك استعنت بصديقة أينعم كانت متعبة شوية بس اهو ساعدتني
-؟؟
=هفهمك، بصي لما إنتِ كنتي قدام محل الفضة أنا شفتك وكنت جاي أكلمك نجمة قالتلي لا وابعد عنها وكفاية عذابها اللي هي فيه بسببك حاولت أقنعها إن أنا فعلًا بحبك وخلاص هرجع ومفيهاش بعد تاني وعانيت على ما أقنعتها ودلوقتي هي مشيت وواقفه برا لحد ما نخلص كلام ممكن حضرتك تحني عليا ونرجع وتوافقي؟
-أوافق على ايه؟
=تتجوزيني يا حُلم، أنا خلاص اتأكدت إننا لايمكن نعيش من غير بعض علاقتنا بقت علاقة دايمة لازم نبقى سوا مهما حصل احنا بنكمل بعض أيامك أيامي من غيرك فعلًا مسواش شوفي ايه يرضيكي وأعمله بس متبعديش ربنا يعلم كنت عامل ازاي طول الـ 4 شهور أنا فعلًا غلطت حقك على قلبي
-هتبعد تاني؟
=توبة صدقيني عمري ما هكررها تاني مهما كان ايه حصل
-أنا بحبك أوي
=وأنا عديت مراحل الحب

وفي الخلفية صوت محمد سعيد" وهقول عنك مواويل.. وهقول عنك حكايات.. ازاي يا حبيبتي برغم البعد.. مفيش بينا مسافات.. قلنا نتفارق يوم.. وبعدنا كدا كام يوم.. وبرغم البعد ساعات برجع وبحن في يوم♥️"

*كَـ/ريحان أشرف"حُلم"*
*#حواديت_أحمد_وحُلم.*