حواديت أحمد وحُلم

معًا للنهاية

-أحمد
=امم
-النهاردة 13/8 كملنا سنة مع بعض
=أجمل سنة عدت عليا
-فكرك هنكمل؟
=لآخر العمر
-احنا اصلا اتعرفنا امتى واتكلمنا امتى وكنا سوا امتى
=سحر يا حُلمي سحر
فاقت من شرودها على صوت صديقتها
=حُلم
-ادخلي يا حبيبتي
=مالك قاعده سرحانه ليه؟ من وقت ما بعدتي انتي واحمد وانتي سرحانه هتفضلي كدا لامتى؟
-آخد وقتي عشان أنساه بس
=خدي وقتك يا حبيبتي بس لو خير ليكي هيرجعلك، ها ايه رأيك ننزل نروح المول نجيب شوية حاجات
-لا مش قادرة
=يلا بقا متبقيش رخمه
أخذت وعد يد حُلم وبعد معاناة لإقناع حُلم وافقت وذهبت معها للمول
عند دخولها لإحدى المحلات صادفت ذكرى بينهما
-يابنتي حرام كفاية لف أنا تعبت
=آخر محل يا أحمد آخر محل
-ايه رأيك فالدريس دا؟
=قصير شوية
-فين دا؟
=قصير يا حُلم لا
-يوووه يا أحمد دا خامس دريس تقول عليه كدا
=طب شوفي الدريس الأسود اللي هناك دا
-الله حلو استنى هجربه، ها ايه رأيك
=قمر قمر بجد
أفاقت حُلم من شرودها على صوت وعد
=مالك يا حُلم؟
-أنا عايزة أخرج من هنا كل حاجه هنا بتفكرني بيه يا وعد أنا مش قادرة أنساه مش قادرة
=خلاص اهدي تعالي نروح نقعد في أي كافيه
-ماشي
=هتطلبي ايه؟
-قهوة فرنساوي
=ماشي خليكي هنا هروح الحمام وآجي
كانت حُلم تعبث بهاتفها إلى أن نفذت البطاريه فظلت تنظر للموجودين استوقفت عيناها النظر عندما لمحت شخصًا يجلس على الطاولة المقابله لها
-أحمد
تبادلا النظرات بينهم مابين انهيار حُلم وتحاول إخفاؤه وتفاجأ أحمد من أنه قد رآى حبيبته مجددًا، نعم فهو يعشقها ولكن كان للقدر رأي آخر
=حُلم استني
خرجت حُلم من داخل الكافية وظلت تسير ولا تدري إلى أين فقط تسير ودموعها تنهمر
-ليه ليه يارب أشوفه تاني ليه طب طالما مش هنكون لبعض ليه كل ما اشوفه برجع لنقطه الصفر ليه ياربي لييه
على الجانب الآخر وعد لا تعلم أين ذهبت صديقتها اتصلت بوالدة حُلم أخبرتها أنها لم تعد وهاتف حُلم مغلق
=أحمد إنت عارف لو حُلم جرالها حاجه هعمل فيك ايه؟ انت ايه يابني آدم إنت ارحم شوية بقا وابعد عنها
-وعد انتي عارفه اني بحبها وإنه مكنش بإيدي البعد وبعدين مش وقته تعالي ندور على حُلم
=ايه أكتر مكان بتحبه أكيد هتكون هناك هي قالت إن أنت الوحيد اللي عارفه
-شجرة الأحلام تعالي
=ايه دي
-دي شجرة أنا وحُلم سميناها بكدا في الحديقه اللي في الوسط
=طب يلا
-احم وعد ممكن طلب؟
=اتفضل
-عايز أنا اللي ادخل لحُلم لازم أحل كل حاجه
=حُلم مش هترجع يا أحمد إنسى مش هسمح بعذابها تاني
-لو بتحبيها بجد سيبيني أتكلم معاها
=طيب يلا نروح
تقف أمام شجرة طويلة تبكي أمامها فتلتفت لذكرى مرّت عليهم
=حُلمي
-امم
=احنا اتخطينا مشاكل كتير بعدنا كتير ورجعنا تفتكري هنبعد؟
-شششش، متقولش كدا حياتي هتكون وحشه من غيرك، بص كدا الشجرة دي حلوة أوي
=تشبهلك
-نسميها ايه؟
=شجرة الأحلام
-اشمعنا؟
=كل ما أحس إن إنتي بتضيعي مني هاجي هنا عشان أثبت إني هحقق حلمي
-أنا حلمك؟
=إنتي حلمي الوحيد
فاقت على صوته
=كنت عارف إني هلاقيكي هنا يا حُلم
-جيت ليه؟
=فرصة
-معنديش
=حُلم إنتي عارفة إنه مش بإيدي ولو بإيدي مكنتش رجعت متبقيش قاسية عليا ولا على نفسك
-أنا بكرهك مبقتش عايزاك
=إنتي عايزة على ذكرياتي!
-ايه دليلك؟؟
=وجودنا هنا أكبر دليل قدام"شجرة الأحلام" حسيتي إني بضيع منك جيتي تبكي هنا وبتيجي كتير هنا وبشوفك بس دلوقتي أنا مش قادر على بعدك ادي لحياتنا فرصة ناس كتير اتدخلت عشان نبعد لكن دلوقتي احنا هنتدخل عشان نتجمع حُلم أنا بحبك
-وبعد يومين هتيجي تقولي أنا مش قادر عايز أبعد مش مرتاح وبقيت في إيدك لعبة
=صدقيني غصب عني لو بإيدي عمري ما أسيبك
-ملوش لازمه كلامك دا يا أحمد
=لا ليه إني بحبك وبقولك عايز أطلب إيدك دلوقتي وآخد خطوة جدية
-إنت بتهزر؟
=لا أنا قلتلك لو رجعنا مش هبعد وعشان مبعدش هاخد خطوة جدية وتبقي ملكي
حُلم واقفه مصدومة ودموعها بتنزل بس مش عارفه ترد أحمد قرب عليها ومسح دموعها وقال: ها يا حُلمي موافقه نفتح رواية جديدة بس إحنا اللي نكتبها المرة دي؟
موعدكيش ان حياتنا هتبقى وردي أكيد هيكون في مشاكل بس صدقيني مش هتنتهي ببعد وعد
-موافقه موافقه
=يا أجمل حلم حققته في حياتي أدامك الله لي خير رفيق قلب

"بداية حلم جديد، بداية رواية جديدة، بداية حياة جديدة، أنا وأنت اللي فيها وبس"
"تعاهدنا على البقاء سويًا، وها نحن بعد الخلافات نعود"

كَـ/ريحان أشرف"حُلم".
#حواديت_أحمد_وحُلم.