حواديت أحمد وحُلم

وقعت في حب مرسال

=آنسة حُلم المرسال دا ليكِ
-ايه دا الله مين جابه؟
=بنت صغيرة سابته ومشيت
-امم شكرًا
دخلت مكتبي وحطيته عالمكتب أنا بحب المراسيل جدًا بدوب فيها وفي طريقة كتابتها بتكون جميلة أوي أنا بدوب فيها
=حُللللللللم
-ايييه يابنتي في ايه؟
=خلصتِ الملف؟
-امم واديته لمستر آسر
=تمام، ايه دا؟
-مرسال
=اه عارفه من مين؟
-معرفش بنت جابته وسابته ومشيت
=الله العاشق المجهول افتحيه افتحيه
-بطلي هبل عشق ايه بس
=اه والله فالروايات كدا والأفلام وبيتجوزوا فالآخر مش كان نفسك تعيشي قصة الحب دي؟
-مش هيتحقق يا بنتي اسكتي، استني أفتحه أشوف مكتوب ايه
"كنتِ أول نمرة أحفظها، أول صورة في المحفظة.. استنيني"
=ايه دا؟
-معرفش فكك خلاص أنا هروح
كل يوم بقا على نفس الحال وألاقي رسالة على صراحة ومرسال
"اضحكي ضحكتك بتنور حياتي"
"شايف فعيونك حزن؟ العيون الجميلة مينفعش تحزن"
"كان شكلك حلو أوي النهاردة خطفتيني أكتر مانا مخطوف أخاف تكوني خطفتي غيري"
"حُلمي بلاش تتقلي الروچ كدا مش بيكون لطيف عليكي"
"استنيني يا حُلم خلاص هانت الحلم قرب يتحقق يا ألطف ركن فالزحمة"
مسدجات كتير من دي على صراحه لحد ما اتعلقت بيه عملت صندوق خاص للمراسيل بتاعته معقوله! معقوله ينفع أتعلق بشخص بسبب كلامه؟ مينفعش ياربييي
-شهرين بقاله شهرين مبعتش حاجه
=كنتِ بتقوليلي هبل وبتاع وأديكي اتعلقتي ودوبتي
-ممكن يكون جراله حاجه؟
=ممكن يكون كان بيتسلى يا حُلم
-بيتسلى 4شهور بيتسلى بمراسيل طب ليه؟
=أومال هو فين دلوقتي مبعتش بقاله شهرين ليه؟
-معرفش أنا هروح باي
=ربنا يريح قلبك سلام
روحت وكلام مايسا مبيغيبش من بالي ممكن يكون كان بيتسلى بجد؟
فتحت الصندوق قرأتهم تاني وقعدت أعيط
-دا وهم فعلًا مايسا معاها حق اللي عايزني هيدخل البيت من بابه مش هيعتمد على مجرد مراسيل ورسايل
قمت اتوضيت وصليت القيام والفجر ونمت على سجادة الصلاة من غير ما أحس
=حُلم حبيبتي في واحد جاي وعايزك تقابليه
-بابا أنا مش جاهزة حقيقي
=مقابلة بس لإمتى هتفضلي ترفضي
-لو مرتاحتش!
=يبقى خلاص
-هييجي امتى
=الساعه 7 يا حبيبي ابقي تعالي بدري
-حاضر يلا باي
رحت الشركه وأنا راحه فالطريق خبطت في واحد
-مش تفتح يا بني آدم أنت؟؟
=آسف يا حُلمي مخدتش بالي
سيبته ومشيت هو عرف اسمي منين وبيقول حُلمي كمان!!!
كلمت مايسا تجيلي عالمكتب
-امم أعمل ايه؟
=هتعملي ايه هتقابليه طبعًا
-افرضي مكانش هو يا مايسا
=هتفضلي معلقه قلبك بحبال دايبة ليه؟
-معاكِ حق
=ربنا يقدملك الي فيه الخير
-همشي أنا عشان بابا والبيه اللي جاي
=باي يا حبيبي
روحت ونمت ساعة وقمت لبست دريس أسود وبابا قالي اخرجي
=امم أنا أحمد عاملة ايه؟
رفعت وشي لقيته نفس الشخص اللي أنا خبطت فيه-الحمدلله
=موافقه كتب الكتاب يبقى الأسبوع الجاي؟
-ايه؟؟مين قالك إني موافقة عليك أصلًا
=طب وكدا.. الحلم اتحقق يا ألطف ركن فالزحمة
-أن..أنت!!
=اها
-كنت بتقول كتب ايه؟
=الاسبوع الجاي
-طب مبروك
=هات المأذون يا حاااج بسرعههه
الأسبوع عدى في لمح البصر كنت لابسه دريس أبيض وطرحة بيضاء وحاطه ميكاب خفيف وخرجت وقفت وأنا شايفة نظراته.
"انتهى اليوم بجملة لطيفة جدًا، وخلفها شيء لطيف في الحلال."

_بارك اللّٰه لكما وبارك عليكما وجمع بينكما في خير.

*كَـ/ريحان أشرف"حُلم"*
#حواديت_أحمد_وحُلم.