حواديت أحمد وحُلم

كنتِ ُحلمي

-طلقني يا أحمد
=بكرة ان شاء الله تصبحي على جنة يا حبيبتي
-أحمد علفكرة مبهزرش طلقني!!
=ماشي بكرة هنطلق كلنا
-اووووووووف
=في ايه يا حُلم؟مالك يا حبيبي؟
-أنا مش بحبك
=وأنا بحبك يلا ننام وهجيبلك شوكولاته واندومي بكرة
-بجد؟
=جد الجد
-ياني بحبك يولا
ناموا وجه تاني يوم اتفقوا أن أحمد هيخلص شغل وييجي البيت بدري عشان يقعدوا سوا وبالفعل حصل
كانوا قاعدين بيتفرجوا على كرتون وهو حاضنها لحد ماخرجت من حضنه وقالت
-أحمد
=امم
-أنت حلو أوي
=قلبي يارب
-لا مش بهزر بجد أنت حلو أوي كدا ازاي؟
=حلو اوي ازاي!؟
-يعني بتحبني وقادر فكل وقت تحتويني، مقدر طفولتي وبتحبها، مش بتزعلني، أنت الصاحب والأخ والسند والحبيب وكل حاجه، عامل كل واجباتك معايا، مش بتقولي لا غير لو غلط، مبتزهقش مني وأنا أي حد بيزهق مني، بتغير عليا، بتقولي متكلميش ولاد متتعامليش مع حد، لو جه موقف حكم عليا واجي أقولك بتبقى زعلان مع اني ببقى جاية أقولك بس غيرتك بتغلبك، تعرف أنت عوضي، أنت أنت من بختي بجد يا أحمد
=أنا بحبك ومش عايز أشوفك زعلانه عايزك دايمًا كويسة وبتضحكي، أنا هنا عشان أسعدك وبس انتِ بنتي قبل ما تكوني حبيبتي
-بنتك بتحبك أوي
=وأنا بحبها
-المهم
=امم
-هتخطبني امتى؟
=هخطبك امتى؟؟!!!
-اه
=احنا متجوزين يا حبيبتي
-هتخطبني امتى؟؟
=امم تحبي امتى؟
-دلوقتي
=واقعه اوي
-وأنت ايه؟
=أنا دايب يا ناس والله
-طب هتخطبني امتى؟
=نخليه كتب كتاب وخلاص؟
-ماشي
=هاتي ايدك، بارك الله لنا وبارك علينا وجمع بيننا في خير
-ياني بحبك
=هاتي حضن كتب الكتاب بقا
-لا خلاص طلقني
=تاخدي شوكولاته؟
-بحبك
وفي الخلفية صوت فارس قطريه وهو بيقول" بس أنا ملقتش ونس للعمر أحسن منك.. ملقتش حبيب وقريب وسنين تتعاش غير وأنا وياك.. كان عمري يضيع وأخسر نفسي لو يوم موافقتش ابقى معاك"
كَـ/ريحان أشرف"حُلم".
#حواديت_أحمد_وحُلم.