حواديت أحمد وحُلم

فرصة أخرى

=هتفضلي قاعدة كدا يا حُلم؟
-ها
=ها ايه من وقت ما انتوا سيبتوا بعض وانتِ موقفة حياتك عليه ليه يابنتي تعملي كدا؟
-مفيش حاجه يا ماما، سيبيني لوحدي شوية
=ربنا يريح قلبك وبالك يا حبيبتي، طب مش هتاكلي؟
- لا مش جعانة، هنام، تصبحي على جنة
خرجت وقفلت الباب بعد ما بصتلي بنظرة عتاب وألم وزعل على حالتي الي أنا فيها من سنه، من وقت ما سيبنا بعض
Flash Back
-أحمد، حبيبي عامل ايه؟
=تمام
-مالك؟
=حُلم، ممكن أقولك على حاجه؟
-اتفضل قلقتني في ايه؟
=أنا مش هينفع اكمل معاكي
-أحمد أنت بتهزر صح؟ هزارك بايخ علفكرة
=لا مبهزرش بتكلم بجد
-طب ليه أنا عملت ايه؟ أنا أنا بحبك انت وعدتني مش هتسيبني طب أنا غلطت؟ غلطت فايه طيب قولي أنا آسفة طيب وعد مش هكرر بس فهمني
بدأ صوت عياطي يعلى وقلبي بدأ يوجعني وأنا مش فاهمة ليه يعمل كدا
= طب ممكن تبطلي عياط عشان أعرف اتكلم؟
وأنا بمسح دموعي بسرعه
-حاضر، مش بعيط اهو خلاص، دا مقلب صح؟
=لا، إنتِ مفيش فيكي مشكلة إنتِ أجمل بنت قابلتها حقيقي، إنتِ لطيفة جدًا وجميلة أوي، وأنا كنت بحبك و...
وقفت كلامه بصدمة-كنت؟؟ ودلوقتي مبقتش ولا ايه؟
=ممكن متقاطعنيش؟
-...
=المشكلة مني يا حُلم، أنا الي مش قادر أكمل، المشاكل زادت عن الحد، نفسيًا تعبت، مش هقدر أشيل مسؤولية، مش هقدر اكون الزوج والأخ والصاحب والحبيب الي بتتمنيه
-بس أنت بالفعل كنت كل دا يا أحمد؟
=ودلوقتي مش قادر اكمل آسف
-آسف؟ بعد أربع سنين؟ تقول آسف هان عليك كل دا بكلمة آسف!!
=حُلم اسمعيني
-خلاص قلت الي عندك اتفضل شوف طريقك، عن إذنك
مشيت وسيبته وأنا دموعي مش مفارقاني روحت عالبحر فضلت قاعدة بعيط وبس جت بنت لطيفة ادتني وردة وقالتلي
:تعرفي الورد بيعيط بردو
-ها
:بس مش دايمًا، خدي وردة وهييجي يصالحك
خدت منها الوردة وحضنتها ومشيت كلمتها زي ما تكون طبطبت على قلبي مش هنكر إني استنيته يكلمني بس بس محصلش
أنا واحمد صحاب من واحنا في ثانية ثانوي دخلنا سوا كلية طب، علاقتنا كان الكل بيضرب بيها المثل لحد ما قالي انه مبقاش يحبني
فقت من سرحاني على صوت رنة موبايلي
-ألو يا نغم
=ايه يابنتي مش عارفه اوصلك في ايه؟
-مفيش
=عاملة ايه؟
-الحمدلله
=طب البسي عشان جيالك
-نغم حقيقي مش قادرة اخرج
=حُلم، حرام عليكي جامعتك ووالدتك وحرام عليكي نفسك وهو
-هو؟؟ ما هو السبب في كل حاجه بتحصلي، سابني ليه ليه بدون أي مُبرر؟؟
=انتِ مش فاهمه حاجه، قومي البسي والا هاجي البسك أنا
-طيب
قفلت معاها وقمت لبست دريس اسود لونه ولوني المفضل حقيقي لبست عشان حسيتني محتاجه اخرج خرجت لقيت نغم قاعدة مع ماما
-ازيك يا ماما؟
=الحمدلله يا حبيبتي شكلك قمر بجد
:أيوة يا بطل هتخطفي حد بجمالك دا علفكرة
ضحكت-طب يلا بدل ما أغير رأيي
:لا وعلى ايه سلام يا ست الكل
-سلام ياماما
=خلوا بالكوا من نفسكوا
ممكن نقول أن نغم هي الكريزة الي في حياتي بجد، مهما تضيق الدنيا بيا هي اكتر حد بيحتويني بعد ماما، بجد بحبها اوي هي من بختي بجد
=ها يا حُلمي حابة تروحي فين؟
افتكرت أحمد وهو بيقولي نفس الكلمه
-نغم إنتِ عارفه إني مبحبش كلمة حُلمي دي
=خلاص يا ست متقفشيش احنا آسفين نروح فين بقا؟
-ممكن نروح البحر شوية ونجيب قهوة؟
=يلا يا حبيبي
روحنا جبنا قهوة واتمشينا عالبحر وقعدنا
=حُلم؟
-نعم
=طلعي الي جواكي يا حبيبي
-أنا...
=متقوليش كويسة فضفضي يمكن ترتاحي
-هو ليه عمل كدا؟
=مش ممكن يكون ليه أسبابه؟
-أسباب ايه الي تخليه يدمرني بالشكل دا يا نغم، الحياة مش بتمشي من غير أحمد تقريبا أحمد كان الحياة وبس، أنا مش قادرة أعمل حاجه كان كل حاجه بنعملها سوا كان مكملني، وجوده كان كل شيء أنا انا اتربيت مليش صحاب هو جه كمل النقص الي جوايا كمل عدم احتواء اهلي ليا واني مليش اخوات هو كان كل حاجه بجد بس بس مبقاش يحبني ليه هو أنا متحبش؟
جه صوت من وراها
=تتحبي تتحبي حب عظيم والله انا الي قصرت حقك عليا
حُلم بصدمه الصوت دا دا أحمد بصت لقته أحمد فعلًا
قامت نغم وقالت:أسيبكم لوحدكم شوية
=وحشتيني
-أنت ايه جابك هنا مش قلت مبتحبينيش؟
=ممكن تسمعيني؟
-معنديش استعداد
جيت امشي مسك ايدي وقال
=حُلم استني افهمك الأول وبعدها ليكي الاختيار تمشي
بصيتله ومتكلمتش
=أنا...أنا كان عندي مشاكل كتير، أنا كان عندي مرض في القلب وتقريبًا الدكتور شخصه غلط وقالي انه مش هتشفي منه فقررت ابعد بالطريقه دي عشان تكرهيني بس الي حصل إني رحت لدكتور تاني بعد ما شكيت فالموضوع وأن مش دا الي شبه درسناه قالي انه اتشخص غلط وأن مش دا الي عندي وأن الي عندي ليه علاج وعملية ولو نجحت هبقى بخير، قررت اخبي عنك لأنك مش هتستحملي تشوفيني تعبان، كفاية انك شفتي باباكي بيموت قدام عينك، مش هتتحملي تشوفيني وهتخافي تخسريني فقررت ابعد بحيث لو حصلي حاجه متحسيش بوجع ولو محصليش ارجعلك وأديني رجعت وبقولك سنه عدت من عمري كأنها 200سنة من غيرك، بحبك
حُلم وهي في حالة انهبار -أنت ليه ليه تخبي عني كل دا ليه يا أحمد؟
=شششش ممكن متعيطيش؟
-أنت كويس دلوقتي؟
=اه، بس باقي حاجه واحدة وابقى زي الفل
-ايه هي؟
طلع علبة من جيبة وركع على رجله وقال=تتجوزيني يا حُلمي، تقبلي تكوني حرم الدكتور أحمد؟
حُلم وهي في حالة ذهول بعد ما لقت مامتها ونغم واهل احمد واقفين وبيقولولها وافقي
-...
أحمد بضحكة=حُلم يلا رجلي وجعتني
-موافقة، موافقة أكون حرم الدكتور أحمد ولآخر العمر
أحمد وهو بيلبسها الخاتم
=بحبك
-دمت لي خير الأخ والصاحب والسند والحبيب، لو حصل حاجه تاني هتبعد؟
=توبة آخر مرة مش هتتكرر، إنتِ حلمي الي عشت أدور عليه
-بحبك🖤'.

"وكنت كَـطوق نجاة أتعلق به، لأخرج من هذه الحياة الحمقاء لعالمنـا الخاص🖤"
*كَـ/ريحان أشرف"حُلم".*
*#حواديت_أحمد_وحُلم.*