حواديت أحمد وحُلم

وجودك ونسي

=آنسة ملك؟
-نعم يا فندم
=ممكن تبلغي الآنسة حُلم تجيلي على مكتبي؟
-حاضر
راحت لـ حُلم في أوضة الأستاذ أمجد وبلغتها
=آنسه حُلم الأستاذ أحمد عايزك في مكتبه ضروري جدًا
-في حاجه ولا ايه؟
=لا هو قالي أبلغ حضرتك كدا وبس
-تمام هروحله
=عن إذنك
عند حُلم وأحمد
=كنتِ فين؟
-كنت عند أستاذ أمجد بنظبط شوية ملفات طلبتني ليه؟
=فاضية نخرج النهاردة؟
-لا
=ليه؟
-عندي معاد مع أستاذ أمجد
=نعم؟
-ايه يا أحمد عندي معاد
=مش هتروحي مواعيد لا معايا ولا مع غيري فاهمه؟
-بصفتك ايه تمنعني وبعدين دا معاد شغل!
=بصفتي ابن خالتك يا هانم
-بس بردو...
=حُلم قلت الي عندي اتفضلي على مكتبك
خرجت حُلم بدون رد وأحمد سند راسه على كف إيديه
خلص اليوم المرهق وحُلم اعتذرت لأستاذ أمجد واستنت أحمد عشان تمشي معاه
=اركبي
ركبت بدون كلام
=انتِ زعلتِ عشان زعقتلك
-.....
=خلاص كان غصب عني وبعدين الأستاذ أمجد دا مش حلو مناخيره كبيرة يا بنتي
-متحاولش تضحكني يا أحمد
=علفكرة أنتِ مش جدعة
-ليه؟
=لأننا متخانقين في الشركة، لكن دلوقتي احنا ولاد خالة وصحاب مفيش خناق
-اه صح، هات الچاكيت بتاعك
=ياريتنا فضلنا متخانقين
-نعم؟
=لا ولا حاجه يا حبيبتي اتفضلي
روحوا وبحكم ان حُلم عايشه معاه في نفس الببت فهي لازقه فيه مبتسبهوش
-خالتي يا خالتي يابت يا سمر انتِ فين؟
=انا هنا يا حبيبتي تعالي
-أهلًا بسمورة القمر ايه الشياكة دي
=بس يابكاشه، فين أحمد؟
:أنا اهو يا أمي
=يومكوا كان عامل ايه؟
بصوا لبعض وقالولها:زي عينيكي القمر كدا
=متخانقتوش؟
:تؤتؤ تعرفي عنا كدا؟
=لا خالص يلا كل واحد يروح ياكل وينام عندكوا شغل بكرة
-خلصانه
:حُلم تعالي
راح أحمد وحُلم كلوا وبعدها كل واحد دخل على اوضته
الساعه3بليل حُلم بتجيلها رسالة على فونها من أحمد
=بت صاحية؟
-آه
=طب ما تيجي ننزل؟
-دلوقتي؟
=آه الجو بيمطر يلا
-هوا وأكون عندك
لبست حُلم وخرجت
=تعالي ننزل
-ونجيب حُمّص؟
=وقهوة
-ونتمشى في شوارع هادية
=ونسمع أغاني قديمة
-والمطر يمطر علينا
=والجو يليل
-والوقت يسرقنا
=وأنا لك علطول خليكِ ليا
-يلا أنا جاهزة بس براحه عشان سمورة لو صحيت هتعملنا شاورما حرفيًا
=خلصانه هاتي ايدك ويلا
نزلوا وراحوا يجيبوا حمص وفضلوا يتمشوا ويضحكوا ويلعبوا في المطر لحد الساعه ما جت 8ونص الصبح
-ايه دا هي الشمس طلعت والناس بدأت تخرج من بيوتها ليه؟
=حُلم هي الساعه كام؟
-مش عارفه سبت موبايلي في البيت
=وانا، تعالي نسأل أي حد
راحوا لواحد كان واقف كدا
=كابتن هي الساعه كام عشان موبايلاتنا فصلت؟
:الساعه8ونص
-يانهار مش فايت
بصوا لبعض وطاروا
=حُلم هنتنفخ
-هيتعمل مننا بطاطس محمرة اسمع مني
طلعوا براحة وكانت سمر لسه نايمه بصوا لبعض وضحكوا وكل واحد دخل اوضته يغير
-ايه ياسمورة كل دا نوم؟
=كنت تعبانة ياستي منامش؟
يرد أحمد:لا ياست الكل نامي براحتك ويبص لحُلم ويغمزلها
=انت بتغمزلها ليه انتوا عملتوا حاجه وانا نايمه؟
يبصوا لبعض وفي صوت واحد:احنا؟ملناش في الشمال ياسمورة ويضحكوا كلهم
=طب يلا أعمل الفطار عشان تروحوا الشغل
:هو اعملي الفطار بس مفيش شغل النهاردة
-ايه دا ليه؟
:أجازة يا حُلم
-اممم حيث كدا بقا أروح انام
:اقعدي تنامي فين؟أمي انا هخرج أنا وحُلم نقضي اليوم برا
=طب خلوا بالكوا من نفسكوا
-وييييييي هلبس واجي
خرجوا ومخلصش اليوم من الضحك والهزار
-أحمد
=قلبه
-أنا بحب اليوم الي بنكون فيه سوا
=تعرفي يا حُلم؟
-عرفني
=أنا بحب الحياة الي إنتِ فيها
اكتفت بالإبتسام ليه
=يلا نروح؟
-يلا
:احنا جينااااا
=نورتوا ادخلوا غيروا وتعالي يا حُلم عايزاكي لوحدك
حُلم بصت لأحمد وقالت-حاضر
غيرت وراحت أوضة خالتها خبطت وأذنتها بالدخول فدخلت
-خير يا خالتو في حاجه؟
=آه يابنتي اقعدي، نادي أحمد الأول
-هو مش انتِ قلتِ لوحدي؟
=لازم يعرف
-حاضر، أحماااااااااااااااااااااااااااد يا أحمااااااد
:اييييييييه مين مات؟
-تعالى هنا
دخل أحمد وهو بيقول:في ايه يا مجنونه خير؟
=اقعد يا أحمد
:خير يا أمي؟
=حُلم
-نعم؟
=إنتِ عارفه إنك كبرتي وبقيتي 24سنه أهو
-أيوة؟
=متقدملك عريس وأنا عن نفسي موافقه
-نعم؟
:انتِ بتقولي ايه يا ماما عريس مين ولحُلم؟ إنتِ بتهزري؟
=لا يا أحمد دي سنة الحياة مش حاجه وحشه يعني
:بس..
=من غير بس هي لازم توافق
-هو مين دا يا طنط؟
=الأستاذ أمجد معاكوا في الشركه جالي النهاردة وقالي أنه بيحبك وعايزك تبقي مراته
:اممم، رأيك ايه يا حُلم؟
-إنت شايف ايه؟
:شايف انك توافقي لأنه يعتمد عليه؟
-هو مش دا الي مناخيره كبيرة؟
:مش وقت هزار يا حُلم وافقي فرصه وجاتلك
-انت الي بتقول وافقي؟
:آه انا ابن خالتك وفي مقام أخوكي وبنصحك
-أخويا؟
:آه!
-تمام يا طنط بلغي أمجد إني موافقه، عن إذنكم
دخلت حُلم أوضتها وعيطت وهي بتفكر أد ايه هي حبته وأد ايه كانت شايفه انه بيحبها وطلع وهم
الساعه3بليل وجت مسدج على تليفون حُلم من احمد
=بت تعالي ننزل؟
-عايزة أنام معلش مش النهاردة
=مالك؟
-مفيش، تصبح على خير
=وانتِ من أهل الخير
تاني يوم
:حُلم
-نعم يا خالتوا
: ايه رأيك نعمل الخطوبة الأسبوع الجاي؟
-الي حضرتك تشوفيه
:يبقى على بركة الله مش كدا يا أحمد؟
=هاا آه آه
-عن إذنكم
=مش هتاكلي؟
-مش جعانه
تعدي الأيام وحُلم بتتجنب أحمد لحد ماجه في يوم قبل خطوبتها أحمد خبط على اوضتها بليل فتحت
-أحمد محتاج حاجه؟
=آه
-محتاج ايه؟
=محتاجك!
-نعم؟
=الي سمعتيه، ازاي قادرة تبعدي عني وحياتنا كانت واقفه على بعض!
-لأني هتجوز اهو وانت قلت أنك في مقام أخويا فلازم أبعد شوية
=مفيش جواز
-نعم؟
=ماهو مستحيل دا يحبك أكتر مني! ازاي؟ هيسهر معاكي دا هيحضنك في عز ضعفك من غير ماتقوليله هيفهمك من نظرة عينك؟ هيخرج معاكي الساعه 3الفجر؟هيستحملك بكل حالاتك المزاجية من عياط وضحك ونكد وفرحه؟هيرجع شغفك ليكِ في كل مرة تفقديه؟هو يعرف أدق تفاصيلك؟يعرف أنك بتحبي اللون الأسود وان لو الأكل في بصل إنتِ مش بتاكلي؟طب يعرف إنتِ بتحبي ايه وبتكرهي ايه؟ها قولي يعرف ايه عنك دا اكمل إنتِ بتحبي ايه ولا كفاية؟
حُلم كانت بصالة وبتعيط
=خلاص أنا آسف متعيطيش حقك على قلبي خلاص، هو إنتِ بجد بتحبيه؟
-هزت رأسها وقالت أنا بحبك إنت بس إنت غبي واتخليت عني وفي ثانية قلت أنا زي أخوكي
=آسف والله حسيتك ضعتي مني خلاص بس فقت دلوقتي لما إنتِ بعدتي انا مش متحمل اليوم يعدي من غيرك من غير ضحكنا هزارنا حتى خناقنا سوا إنتِ حُلمي مينفعش تكون حُلم حد غيري
-يعني؟
=يعني تتجوزيني؟
-عااااااااااا انت لسه هتسأل موافقه طبعًا يلا عالمأذون
=ياهبلة استني
-ايه دا أحمد احنا نسينا حاجه مهمه!
=ايه هي؟
-خطوبتي بكرة؟
=تصدقي نسيت بس عادي هتبقى خطوبتنا
-طب وأمجد!
=ثواني
يتصل أحمد بأمجد
=ألو أستاذ أمجد
:أيوة يا فندم
=صحيتك؟
:آه بس حضرتك محتاج حاجه؟
=آه أكيد ماهو مش هتصل لجمال عيونك يعني
-نعم؟
=حابب أقولك معندناش بنات للجواز وشوف واحدة غير حُلم
-ازاي دا؟
=زي الناس سلام
ويقفل في وشه الخط ويضحكوا
تاني يوم
بعد ترتيبات الخطوبة وكله شغال بس سمر بتلاحظ إن أمجد مجاش بتتصل بيه فبيحكيلها
:أحمد
=نعم
:ايه الي إنت عملته مع امجد دا؟
=عملت ايه؟
:احنا هنهزر!
=أمي حُلم مش لحد تمام؟
:طب الناس هتقول ايه يبني والبت هيحصلها ايه؟
=ولا حاجه الخطوبة هتحصل بس خطوبتي أنا وهي أو هيبقى كتب كتاب!
:بتهزر؟
=والله لا
يقطع كلامهم دخول المأذون
=المأذون جه عن إذنك يا أمي
ينتهي اليوم بقول"بارك الله لكما وبارك عليكما وجمع بينكما في خير"
والكل فرحان ويدخل احمد لحُلم
=كنتِ حُلمي وبقيتي حقيقه
ويحضنها وبعدين يقولها بقيتِ مراتي!
-بقيت مدام حُلم حرم الأستاذ أحمد وتضحك وتحضنه
=ماتيجي ننزل؟
-نشرب حُمص؟
=وقهوة
-نتمشى في شوارع هادية
=ونسمع أغاني قديمة
-والمطر يمطر علينا
=والجو يليل
-والوقت يسرقنا
=وأنا ليك علطول وأنت ليا
-أحمد
=قلبه
-تيجي معايا نشوف القمر؟
=وأحكيلك أد ايه هو يشبهلك؟
-بحبك
يقرب ليها أحمد ويحضنها
وفي الخلفية صوت فارس قطريه "بس أنا ملقتش ونس للعمر أحسن منك... ملقتش صديق وحبيب وقريب... وسنين تتعاش غير وانا وياك... كان عمري يضيع وأخسر نفسي.... لو يوم موافقتش أبقى معاك.... حبيتني ومن حبك فيا حبيتك.... ولقيتك راحه.... تسندني لما احتاجك فافرح.... وهتفضل فوق الراس شايلاك❤️"
ريحان أشرف"حُلم"
#حواديت_أحمد_وحُلم.