" လူပျိုကြ​ီး ရဲ့ ဖူးစာဖက် "[ Completed ]✔

Part (2)

[[ Unicode ]]

လူပျိုကြီးရဲ့ဖူးစာဖက်
____________________

ပန်းသီးကို အခွံခွာနေရင်းနဲ့ပဲ ခုံပေါ်တွင် ကျုံ့ကျုံ့လေး ထိုင်နေသော ကောင်ငယ်လေးကို ရှောင်းကျန့် လှမ်းကြည့်လိုက်တယ်..။ သူ့အင်္ကျီနဲ့ Style pant တို့ကို ဝတ်ဆင်ထားတာမို့ အနည်းငယ်ကြီးကာ လူကအထဲတွင် အဆံချောင်နေသည်..။ ဥပမာပြရရင် ကမ်းခြေမှာ တွေ့ရများတဲ့ ဝင်ကစွပ်လေးတွေလိုပဲ..။ ဒါပေမဲ့ တစ်မျိုးလေးတော့ ချစ်ဖို့ကောင်းနေပြန်တယ်..။ ပန်းသီးပန်းကန်ကို ကမ်းပေးလိုက်တော့ ကိုယ့်ကို မျက်လုံးရွဲကြီးများနှင့် ကြည့်လာတာကြောင့်..

" စားလေ ဘာတွေ လိုက်ကြည့်နေတာလဲ? "

" အဲ.."

ရိပေါ်က ငြင်းဆန်ခြင်းမပြု ပန်းသီးတစ်စိတ်ကို ပါးစပ်ထဲ သွပ်သွင်းလိုက်ပြီး အလောတကြီး မြိုချလိုက်ကာ..

"ကောင်းတယ် "

" ဖြေးဖြေးစား နင်နေအုံးမယ် "

"အင်းး အင်းး"

ပန်းသီးတွေလည်း ဖြုတ်ခနဲ..။
စပျစ်သီးတွေလည်း ဖြုတ်ခနဲ..။
အသင့်စား ထမင်းဗူးတောင် အဆစ်ပါသွားသေးတယ်..။ လူကောင်သေးသလောက် စားချက်က 9+ကို ကျော်နေပြီ..။

"အေ့.."

လေချဥ်တတ်ပြီး ရိပေါ်က ရှက်သွားဟန်နှင့် ကိုယ့်ပါးစပ်ကိုပိတ်ကာ..

" စားကောင်းလိုက်တာ "

ရှောင်းကျန့်မှာတော့ ထိုကောင်လေးကို အံ့ဩဘနန်း ကြည့်နေမိပြီး မေးချင်သောမေးခွန်းများကလည်း ပို ပို၍ များလာလေသည်..။စစချင်း မေးဖြစ်တာက..

" မင်းနာမည်ဘယ်လိုခေါ်လဲ? "

"ရိပေါ်...ဝမ်ရိပေါ် "

အင်းး နာမည်ကို သိသေးတယ် ဆိုတော့ အခြေအနေ မဆိုးသေးဘူးပဲ..။ ရှောင်းကျန့်မှာ ထိုသို့အကြမ်းဖျင်း ကောက်ချက် ချလိုက်ပြီး..

" ဘယ်မှာနေတာလဲ? "

"ရေအောက်..မဟုတ်ဘူး ဟို..ဟို.."

လက်ညှိုးကို အောက်ဘက်ကို ထိုးပြနေရာမှ အပေါ်ဘက်ကို ထောင်တတ် သွားတာမို့ ရှောင်းကျန့်မှာ လက်ညှိုးညွှန်ရာကို လိုက်ကြည့်ရင်း..