صلوا على محمد وال محمد
صوتوا + علقوا
قراءة ممتعة
جنت اصرخ بكل قوة بس صوتي مايطلع
اني صرخت اكثر فزيت من نومي
عركانه وخايفة عبالك صدك مو حلم باوعت
للغرفة ظلمه اخذت التليفون من جوه المخده
واني ارجف شغلت الضوه ماله باوعت اخواتي
نايمات شفتها ب3 وربع تمددت واني خايفة
غطيت حتى راسي اقرة آيات واصلي
على محمد مكدرت انام سمعت المنبه مال
اختي رن حتى تكعد للمدرسه كامت هيه
اني سكنت بمكاني حتى لاتعرف كاعده
سمعت فتحت الباب وسدته باوعت بالتليفون الساعه ب6 ماعرف شلون غفيت كعدت مره
ثانيه صوت اخواتي
.... ولج الاسئله نعال شيطلع المعدل
.... كولي يالله شبيج
.... لج مرام متفهمين صعبه صعبه
ادري صعبه سويتي لعليج
_ اختي منار بالسادس وكاعد تمتحن هل اسبوع وتجي تبجي من الاسئله سويت
روحي توني كاعده
_ شبيجن
_ منار دكول الاسئله صعبه
ياااا الله يساعدج
منار:جيلان خايفة ماطلع معدل
حجت وعيونها كلها دموع
جيلان: الله كريم تفائلي
راحت خطيه تبدل ملابسها كمت اني عدلت
الجرباية مالتي باوعت على مرام كاضه
التليفون وتضحك
جيلان: مرام عفيه خففي ضحكتج لا
ينتبه احد عليج
مرام: لج جيلان راح يجي يخطبني والله
جيلان: انشاء الله
عفتها وطلعت للحمام ردت اغسل اثناء
ماغمضت عيوني حسيت شي وراي التفتت
ماكو شي ترددت اغسل فرشت اسناني
وطلعت نزلت جوه شفت امي حاطه الريوك
بالكاع والچاي بصفها
جيلان: صباحو
ام الياس: صباح النور يمه كعدي اخوج
قبل لاتكعدين
رحت لغرفة اخوية الياس دكيت الباب مارد
فتحته شفته متمدد على بطنه وجه بداخل
المخده والغرفة ثلج من السبلت تقربت منه
جيلان: الياس الياس ماما دكول اكعد
فتح عيونه باوعلي شال جسمه يلي ملابس
تشيرت عليه
مدد جسمه ورجع نام
جيلان: كوم الياس
الياس: ولج بارده عوفيني
جيلان: لا حبيبي بس كوم البس يالله
الياس: كايم كايم
طلعت من غرفتة رحت للمطبخ
ام الياس: هااا
جيلان: هسه يكوم
ام الياس: اوف منه يجي من الدوام اسبوع
مانشوفه بس نوم
سمعت صوت عميق بيه بحه ابتسمت من
شفت امي تباوع وراي
الياس: اذا منعول والديه بالدوام
ام الياس: كتلك لاتصير عسكري مارديت
الياس: صباح الخير عافيتي
باس راس امي وكعد يمها اجني اخواتي
كعدنا ناكل والياس يشاقي امي
الياس: شلونه امتحانج منار
منار: صعب حيل الياس صعب
الياس: شبيج راح تبجين انتِ اقري ومعليج
ندري بالوضع بس لا تبجين توكلي على الله
أنت تقرأ
مكر الدلهام
Romanceهو انتم الضباط كلكم هيج زايعتكم الدنيا و سكرجيه التفت عليه رفع واحد من حواجبه ... ومنو كلج تجربيهم كلهم باللهجة العراقية ( حقيقية) _ بقلمي _زينب
