مكر الدلهام
بقلمي: زينب
صلوا على محمد وال محمد
قراءة ممتعة
تفاعلوااااا🔪🔪
بخصوص موعد التنزيل كل ثلاث ايام بس
مرات أخلص البارت فينزل قبل يوم
مرام: عمتي جايه تخطب جيلان لدلهام
_ باوعت عليها ماعرف شحجي ماحسيت
غير منار كمزت عليه حلت شعري وشالت
خصل من الجهتين وثبتته
منار: ثبتي.. لج جنات خلي هي تقدم الحلويات
_ خلن بيدي صينية التقديم منار طلعت حمره
خلت لشفتي ومسحت بيها خدودي
منار: جمال رباني عيني
جيلان: دوكفن خلي اتنفس
_ ضحكة جنات واني مادري ليش وكفت
الدنيا بيه ورجعت بذاكرتي لليوم العرض بيه
الزواج عليه
منار: بروح أبويه مو تجفصين مثل ذيج المره
كلتي لام الولد اني عندي خلل بالانجاب
مرام: راح نفوت تسلمين على بيبي وعمتي بعدين
ام محمد لان عمتي اكبر انوب سيدرا
جيلان: هاي العجوز جايه؟ مو كلتي ماتت
_ ركضت جنات حطت أيدها على حلكي صوتي
جان عالي ومرام تزلغ بخدودها منار ضحكة
وسوت بيدها صبريلي دخلت واني ختمت
القرآن بداخلي ابتسمت وسلمت عادي
جيلان: سلام عليكم نورتونا
_ حطيت الصينيه بالكاع وباوست الحجيه
انوب النسوان مثل ما كالت مرام اخر شي البنيه
جاي ارجع حتى اطلع وقاطعتني الحجيه
ام فؤاد: كعدي حبيبه كعدي صيحي اخيتج
هم خلي اشوف طولجن
_ ابتسمت الها واجني جنات ومنار كعدن يمي
صرت ارجف وجسمي برد كلت هاي هي
راح اتخربط وتخرب السالفة
ام محمد: اي عيني وأنتِ بعد شفتيهم وعرفتيهم
وباعتبار احنه غربة وانتوا أهله للولد
مناسك: على راسي نتشرف ما شفنا منكم
الا كل خير انجان منج أو من اختج وعيال
مرام يشهد الله
_ باوعت على مرام توزع ابتسامات ردت اكوم
اخنكها شنو ضرورة هل حجي ؟ خلي يبدون
بالموضوع بعد
مناسك: بس بعد تعرفن اخوها شويه منا
واحنه فاقدين عزازنا قبل فترة وانريد نعرس
لوليدنا وبعد السوالف طويله
_ سيدرا باوعتلي غمزتلي واني دنكت عبالك
هي العريس متحمسه أكثر مني
ايمان: بعد بكيفكم وإنشاء الله مهنايين بعرس
وليدكم وشايفين كل الخير بس مو تنسونا
رايدين الكرب منكم
أنت تقرأ
مكر الدلهام
Romanceهو انتم الضباط كلكم هيج زايعتكم الدنيا و سكرجيه التفت عليه رفع واحد من حواجبه ... ومنو كلج تجربيهم كلهم باللهجة العراقية ( حقيقية) _ بقلمي _زينب
