مكر الدلهام
بقلمي: زينب
صلوا على محمد وال محمد
قراءة ممتعة
البارت على أساس الباجر بس اليوم نزلته
تفاعلوا🔪🔪🔪
الياس: أنا لله وانا اليه راجعون
_ صرخت جنات هزت البيت وآية
تهز بجثه أمها ترفض تصدك الموضوع
بجيت على وضع امي يلي تشوف
اختها الصغيرة ماتت
_ مرام حضنت أية تريد تخليها على
الاقل تذرف دمعه من عينها بس أية
جامده بمكانها منار كعدت يم امي
تنوح وياها واليأس دك على خالي حيدر
وعمي مراد
_ ساعة جانت كفيلة تكلب جو البيت
علينا اجه عمي وخالي وخالتي ام محمد
و زوجها إلزلم أخذوها للمستشفى
ومناك رحنه للمغيسل غسلتها امي
وخالتي اسمهان
_ أخذوها الزلم للنجف دفنوها الساعه
ب1 بالليل كمنا لبسنا اسود وحركه
بكلوبنا على خالتي يلي ماشافت بعمرها
بس الضيم والقهر ماتت وهي بحسرة
الولد حتى ترضي رجلها
_ امي ملخت خدودها وشكت الثوب
مناسك: يمه بنيتي راحت ولج عفتي
بنياتج منو الهننن سوده بجهي سهاد
يمه كومي الكبر موش الج ياعيني
_ لحظات وصارت العالم تجي من ضمنهم
عيال مرام لان محد من الزلم يمنا
يكدر يوكف بره يم العالم زوجها
وإخوانه ضلوا بره ينصبون الجادر
بطلب من الياس لحسين
_ جنات تخربطت وحرنا بيها شفتها
صارت زركه وخدودها صارت دم
من اللطم بيها حبوب زرك
_ وآية كاعده وصافنه بالفراغ حتى
ماقبلت تكوم تلبس اسود كومتها سيدرا ومنار
فوك لبسنها واجني كاضاتها منا ومنا
_ اجوي الزلم من الدفنه الساعه ب7
الصبح ركضت امي لباب الصاله
وكفت كدام الياس كضته من ياخته
واحنه واكفين نبجي على حالها
مناسك: هانت عليك تدفن بنيتي؟ ولك
وصيه امي هاي ليش يمه خليتني
بحسرتها جان عفتها هنا كبال عيني
شلون بعد ماسمع صوتها
_ مسح الياس على رأسها وضمها لحضنه
عيونه حمر ومبين باجي وراه
عمي و خالي حيدر هم مو اقل منا
بالبجي حسين وحموين مرام واكفين
حسين دك على جتف الياس
حسين: خليك قوي شد حيل امك
ياخوي
_ أخذنا امي دخلناها جوه وبدينا
نطبخ للناس عيال مرام كومه أجت ناس
واحنه عشيرة من غير الضباط اصدقاء
الياس كامت اروى وسيدرا
ويه امهن يطبخن بما انو اني وخواتي
مانعرف بهل اشياء بس نساعدهن
أنت تقرأ
مكر الدلهام
Romanceهو انتم الضباط كلكم هيج زايعتكم الدنيا و سكرجيه التفت عليه رفع واحد من حواجبه ... ومنو كلج تجربيهم كلهم باللهجة العراقية ( حقيقية) _ بقلمي _زينب
