مكر الدلهام
بقلمي: زينب
صلوا على محمد وال محمد
قراءة ممتعة
تفاعلوا
البارت نحذف ورجعت كتبته من جديد
الطم على حظي لو حظكم؟
_وماحس غير شي اخترق بطني حطيت
ايدي عليها مكان الالم نزلت راسي
شفت ايدي مليانه دم
_ بده الوجع يسيطر عليه واني اسمع
حجي فاطمة
فاطمة: يمههه ولج جيلانننن لحكولنا
_ صرخة والعالم التمت علينا تقربوا
علينا ناس هواي رادت تأخذني سندتني
فاطمة واني مو بعيي وياها مره
اخذونا للمستشفى وبعد مادريت شنو صار
منار: رجعت للبيت فرحانه باقي امتحان
واحد واخلص دخلت للمطبخ امي تسوي
غده و جنات كاعده على الكرسي
صافنه شالها على جتفها وشعرها زايد
بيه الشيب
_ يكولون الشيب طفره وراثيه بس بجنات
حسيته من كد القهر
منار: جوعانه
مناسك: دسلمي بالاول
منار: شمسويه غده؟
مناسك: القاسمه الله اشو أنتِ اجيتي
وجيلان بعدها ؟ تاخرت حيل
_ رفعت جتفي بعلامة مادري باوعتلي
جنات ضحكة بوجها وتمشيت أخذ
موزه من الثلاجه فتحتها اكلها وندك الباب
مناسك: امشي فتحي
منار: اهووو عفيه منار بس هي بهل بيت
_ عفت الموزه وطلعت فتحت الباب
شفتها فاطمة تبجي و ردن أيدها بيها دم
منار: فاطمة هاي شبيج؟
_ باوعت وراها على سيارة اخوها جيلان
مو بيها
فاطمة: امج هنا ؟
منار: اييي هنا
فاطمة: جيلان صابتها طلقه تايهه
_ كالتها وبجت هزيت راسي لا واني
اتخيل ممكن اختي تموت مثل مصار
ويه خالتي وبنتها عفت الباب مفتوح
وطبيت اركض للمطبخ اصرخ
منار: يمه جيلان ماتت
_ وكع جدر التمن من امي للكاع وجنات
شهكت تباوع عليه امي طلعت تركض
بطرك الثوب والشيله تبجي وتصرخ
مناسك: يماه راحت بنيتي يماااه
_ احتاريت شسوي جنات جابت عبايه
اخذتها ركضت وراها واكفه بنص الشارع
واخو فاطمة يريد يحاجيها وهي بس
ادك على رأسها
_ طلعت حطيت العبايه على رأسها
مهيمن: خاله تعالي اخذج
_ مشينا وياه صعدنا وفاطمه ليكدام تبجي
مناسك: دخيلك ربي مالي حيل بعد
ثلاث ضربات على الرأس توجع
منار: شوكت؟ وشلون؟
فاطمة: طلعنا من المطعم جنا واكفين
على الشارع وتصاوبت أخذوها العالم
للمستشفى ودكيت على مهمين حتى نجي
نكللكم
أنت تقرأ
مكر الدلهام
Romanceهو انتم الضباط كلكم هيج زايعتكم الدنيا و سكرجيه التفت عليه رفع واحد من حواجبه ... ومنو كلج تجربيهم كلهم باللهجة العراقية ( حقيقية) _ بقلمي _زينب
