مكر الدلهام
بقلمي: زينب
صلوا على محمد وال محمد
قراءة ممتعة
ركزو بالبارت واقرو على كيف
جيلان: وفاة بيبي جان صدمة للكل دلهام
اخذ اجازه يومين زياده علمود الفاتحه
حسيته كبر سنوات فوك عمره واذا احاول
أهديه بس يغمض ويكول
دلهام: الدنيا ماتخليني افرح ساعة وحده
جيلان: هذا أمر الله لادكول هيج انتَ
الصايم لمصلي هيج تحجي؟ الإنسان المؤمن
مبتلى
دلهام: خلص كلبي
_ هل يومين الأكبر ماعاف دلهام لحظه حتى
من ينام ساعه يكعد يصيح اكبر بقيت
يم مرام وسيدرا امي اجتي ويه منار للفاتحه
واليأس بره واكف يم الولد
جيلان: كافي تشوه وجهج
_ كضيت ايد سيدرا يلي تخرمش بوجها
سيدرا: كله مني انيييي الله يموتني
خلود: شوفي يافكر دخل علينا وفكرنا
_ باوعت عليها محروك دمي منها ماصار
اسبوعين عرست وهي شاده وياي منار رادت
دكوم عليها واني جريتها
جيلان: لا تسوين عركه عيب
منار: ماتسمعين شتحجي؟
جيلان: سمعت سمعت صعدي فوك يم مرام
شوفي خاف تريد شي
_ راحت هي تشوف مرام لان حملها كلش
متأزم أكثر شخص متاذي عليها ابنها فؤاد
الام ماتتعوض ياناس شعره مليان شيب
ويدك ويلطم عليها مادري هو المحظوظ
بأمه ؟ لوهي محظوظه بابنها؟
_ صبينا جاي أخذته للنسوان ورجعت اغسل
الاستكاين اجه ايليا كضني من ثوبي
ايليا: عمو البزونه يكول صيح عمه العروسه
_ عقدت حاجبي ردت اطلع وصارت
بوجهي خلود
خلود: الزلم تارسه البيت وين موليه ؟
جيلان: تحاسبيني شنو؟ وخري من وجهي
لا اسويلج فضحيه بكد عمرج
_ دفعتها و بنتها ودق خزرتني هزيت ايدي
وطلعت للحوش شفت الأكبر واكف عيونه
حمر أكتافه نازله شعره مخربط لابس كله اسود
الأكبر: دلهام ما نايم من البارحه بس ساعه
حاجيه بلكت يقتنع منج
جيلان: هو نام وكعد يصيح اكبر
أنت تقرأ
مكر الدلهام
Romanceهو انتم الضباط كلكم هيج زايعتكم الدنيا و سكرجيه التفت عليه رفع واحد من حواجبه ... ومنو كلج تجربيهم كلهم باللهجة العراقية ( حقيقية) _ بقلمي _زينب
