مكر الدلهام
بقلمي: زينب
صلوا على محمد وال محمد
صوتوا+علقوا
قراءة ممتعة
دلهام: جيلان تقبلين تتزوجين دلهام حمزة ؟
_ ضغطت على السدرية البيضه يلي بيدي
باوعت عليه اريده يضحك بس ماكو أكثر
يوم شفته جاد بكلامه اليوم نزلت عيني لحضني
اسمعه يتحسر ورث جكاره وفتح الجامه
دلهام: تردين تفكرين ؟
_ غمضت عيوني كلبي يريد يطلع من اضلوعي
حيلي يرجف بس مو الرجفه يلي يرجفها
كل مره من يهبط السكر لا اليوم احس نمل
يمشي بجسمي يدغدغ بطني فتحت عيني
نزلت دمعتي مسحتها بسرعه
_ فتحت اني هم الجامه اريد اتنفس احس
روحي اختنكت
دلهام: لا تسكتين هيج حاجيني
_ بلعت ريقي بصعوبة اريد احجي توصل
لحروف لأطراف شفتي وبعد ماتقبل تطلع
دلهام: جيلان
جيلان: لااا
_ همستها بصوت ناصي ضميت الكتب على
صدري أكثر مجلبه بالجنطه التفتت عليه
عيونه تتنقل بين عيوني ساكت هز رأسه شنو؟
جيلان: لاااا
_ تلبك بكلامه التفت بنظرة عني يباوع للشارع
شمر جكارته قبل لا تخلص فتح قميصه من فوك
تفاحة آدم ماته تصعد وتنزل بسرعه رجع باوعلي
وهز رأسه لا
دلهام: ل..ليش لا؟
_ العبرة موتتني ماريد ابجي كدامه هفيت
على وجهي بيدي وابتسمت عيني تحركني
صعبه ترفض شي تمنيته بداخلك مره بس جانت
من كل قلبك
جيلان: اني..اني كلت احنه اصدقاء ...يعني
هو بحياتي ما حاجيه هيج ويه احد غير اخويه
اوك عندي زملاء بس على كد السلام وانتَ
ما....
_ سكتت ابلع الغصه جسمي أحسه جمر
جيلان: وانتَ تدري شلون صارت معرفتنا
واذا ... اذا تصرفت شي بدون قصد ماادري
_ طول ما احجي يباوع على الأشجار من
الجامه منطيني ضهره تمردت دمعه حاره على
خدودي مسحتهم بيد ترجف وكملت كلامي
جيلان: بس اسفة مااكدر
_ التفت يباوعلي وجهه مايتفسر من العصبيه
هز رأسه اييي مسح بيده على شعره وحسرته
ذبحت كلبي
دلهام: انتِ حتى ما كلتي اريد افكر رأسا لا
_ هزيت راسي اي
جيلان: هو الموضوع مو أبالي دافكر بيه
_ جذابه اني وحده جذابه جسمي ماسيطر عليه
رغم كل هل سنوات من مرضي اليوم حسيت
بعجز شعور مو حلو انو تحجي بس جسمك
مو ثابت كرهت روحي وشلون اتراجف كدام أحد
أنت تقرأ
مكر الدلهام
Romanceهو انتم الضباط كلكم هيج زايعتكم الدنيا و سكرجيه التفت عليه رفع واحد من حواجبه ... ومنو كلج تجربيهم كلهم باللهجة العراقية ( حقيقية) _ بقلمي _زينب
