مكر الدلهام
بقلمي: زينب
صلوا على محمد وال محمد
قراءة ممتعة
تاخرت عليكم بتنزيل البارت بس
جان عيد وبابا طلع من المستشفى الحمدلله
والعالم عدنا كومه
صوتوا + علقوا
.......
جيلان: نزلت دمعتي مقهورة واني اشوف
ابني حاطيه بكيس للمره الثانيه انطته الأكبر
حتى يزرعوه
سيدرا: الله يعوضج بالاحسن
_ نزلت دمعتي التفتت للأكبر واكف مكتف
أيده وعيونه حمر
جيلان: اريد دلهام فدوه
_ نزل رأسه ميباوع بعيني وخلا وطلع
سيدرا: لا تقهرين نفسج جوجو
جيلان: شنو اليمنع زوج يجي يشوف زوجته
وهي خسرت طفلهم؟ هاا شو سكتي
تعرفين بيه غلطان
سيدرا: إنشاء الله يجي
_ اجتي الدكتورة سوتلي فحوصات
الدكتورة: اي حمل هل فترة ماكو ارتاحي
سنه او سنتين اذا تعرضتي للاجهاض مره
ثالثه راح ننجبر نشيل رحمج
_ سيدرا شهكت واني الغصه ذبحتني هزيت
راسي اي كتبتلي خروج طلعنا لكيت الأكبر
واكف يم سيارته طول الطريق محد حجه
بس ألمي يشرح كلشي بداخلي
الأكبر: تفضلي ارتاحي بين ماجيبلكم عشه
اسو بدليلها ملابسها
_ طلع هو واسو ساعدتني اسبح وبدلت
ملابسي
الأكبر: تعالن تعشن جبتلجن معلاك ومشاوي
_ لزمت اسو ايدي رحنا للمطبخ حاط الاكل
على الميز ريحته تشهي بس اني مالي
نفس
الأكبر: اكلي من خيري وين لاكيتها أنتِ واحد
يصرف 86 الف على بطنج
_ ماكدرت اضحك واجامله عيوني يحركني
ودموعي نفت انو تفاركني
سيدرا: اكلي وعوضي الدم يلي خسرتي
جيلان: و منو يعوض جرح كلبي؟
_ عفتهم كاعدين وكمت اتمشى بصف الحايط
لحد ما وصلت للغرفه دخلت وسديت الباب
ايامي خلصت بتعب وإرهاق حالتي صارت
بالاسوء وكل شويه يغمى عليه
سيدرا: داتسوين بنفسج هيج أنتِ داتاذين
روحج مو دلهام وهل شي اكبر حرام
أنت تقرأ
مكر الدلهام
Romanceهو انتم الضباط كلكم هيج زايعتكم الدنيا و سكرجيه التفت عليه رفع واحد من حواجبه ... ومنو كلج تجربيهم كلهم باللهجة العراقية ( حقيقية) _ بقلمي _زينب
