بين ظلام الحياة

《بارت 1》

ها هلو حبايب شلونكم راح نبدي بارت الأولى اريد تفاعلكم وياي ياحلوين وان شاء الله تعجبكم الرواية
يلا نبدي ونكول بسم الله

حسرتي
وشوغات گلبي ورجفة إيدي
وشردت عيونـي بشوارعكُم شگلهن

نهاد الخيگاني
**************************
                                        *************************

تمارة:الجو ثلج وجنت راجعه للبيت من الشغل ودنيا طالعة من عيني من وره التعب جانت الساعه تقريبا ب 5:30 الفجر .

جسمي كله يرجف من وره البرد والخوف
اريد بس اوصل للبيت بسرعه  اريد ارجع يم امي اطيه لفلوس بسرعه قبل لا يشوفني اخويه وياخذهم مني ويصرفهم على السم 《مخدرات》مالته الي الله بلاني بيها امشي واتلفت يمين ويسار الشارع فارغ بس صوت البزارين وصلت للبيت فتحت الباب على كيف وركضت للغرفه الي بيها أمي وخواتي وفتحت الباب جانو خواتي نايمات وامي كاعده على سجاده تصلي صلاة الصبح

تماره:السلام عليكم  شلونج يمه هاج هاج هاي لفلوس بسرعه ضميها لا يجي مسلم ياخذهم مني ونضل هل شهر بلا اكل ولا علاج .

سمر:وعليكم سلام يمه ولج على كيفج  شبيج تركضين؟.

تماره:يمه دعوفي الحجي اخذي لفلوس بسرعه لا يلكفوهم عدي مانعرف على ياساعه يجي مسلم.

سمر:دجيبيهم جيبيهم خليهم بالقران لان اخوج مايلزم القرآن وربج  يعمي من يفتحه يخلي مايشوفهم.

تماره:صدك يمه مرات من يلزم القرآن ويدور بي على لفلوس ليش مايلكاهم وهمه كباله وكدام عينه اصفن على هل شيء والله .

سمر :يمه هذا ربج يرحم بحالنه يخلي مايشوف لفلوس لا هو ولا ابوج بلونا  بسمهم هذا واحنه بلكوه نحصل اللكمه من وراهم مأكول بس حسبي الله على الي خلاهم هيج شنو ذنبج  وذنب خواتج انتي تشتغلين من ظهر للفجر اله ترجعين وخواتج  على كد الكمه ويطلعون بشارع يبيعون ماي علمود مايثكلن عليج بالمصرف مال مدارسهن  .

تماره:يمه اني شكتلج مو كتلج لاتخلينهن  يشتغلاً وخلي يرجعاً بسرعه للبيت واني اجيبلهم لفلوس حتى لو اشتغل الف شغله خاطرهن بس المهم مايشتغلاً ماريد ينذلاً لليسوه والي مايسوى وكافي حجي السواق اكثر من مره اسمعهن  يشكن يمج واحد يتحرش بيهن  واحد يذب حجايه عليهن يمه كوليلهن تماره بعد ماتحاجيكم اذا تشتغلاً .

سمر :شسوي يمه مو بيدي هنه يغافلني  ويطلعاً.

تماره :يمه والله فلا احاجيهن بعد اذا يسون هيج كوليه هيج ورايحه اسبح اني وانام شويه وراي طلعه ب١٢ ظهر وميته تعب.

سمر:روحي يمه روحي سبحي وتعالي نامي.

عفت أمي ورحت للحمام  اخذت ملابسي ورحت اسبح شويه بعد تعب الشغل شسوي والله ما اعرف هاي اطلع اشتغل من ١٢ظهر بالكوفي شوب الي بالكراده يطوني راتب ٣٠٠ صح قليل وميكفينا  لان احنه عائله جبيره بس شسوي لازم أتحمل  علمود خواتي وامي المريضه بالمرض الخبيث ومالها غيري لازم أتحمل حجي الرايح وجاي عليه وحجي الي بالمنطقه عليه شسوي الحمدلله  وشكرا الخاطر عيون أمي كلشي اسوي وخاطر اشوف خواتي مكملات دراستهن ومحققات احلامهن اله ابطل شغل هسه لازم ادور شغل ثاني علمود اجمع فلوس ل تبارك لان راح تخلص سادس وتدخل كلية ولازم اجهزها ماريد تعيش المعانا الي عشتها اني بالكلية جنت حتى ملابس ماعدي وطلاب تضحك عليه لحد ماتخرج اني شبعت قهر وضيم وجنت لو اداوم لو لا الحمدلله  على كل حال اعرف رب العالمين كريم وماكو أكرم منه هو يدبر كلشي النه بس لازم اوفر كلشي الاختي علمود تعيش احسن حياة كملت سبح ولبس ملابسي ورحت للغرفه اريد انام جانت نوره وغدير كاعدات يم ماما بصف الصوبه جاي يدفون ملابسهم علمود يروحاً للمدرسه