السلام عليكم اول شيء
ثاني شيء اسفه على التأخير النت جان فاصل وهسه رجع اعتذر منكم هواي هواي راح انزل البارت وأتمنى يعجبكم وان شاء الله يعجبكم وتحبونه اتركم ويه البارت
**************************************
**************
تبارك
ضل واكف كبالي ويعت بالجنطه واني لازمتها بكل وقتي وظهري الوجع يموت بي جريت الجنطه من يدتها بكل قوه وماحسيت غير نگطعت الحماله مال الجنطه ونركعت بالحايط بكل قوه حسيت ظهري طك ومثل الماي الي نزل بين رجليه
عبدالله:تبارك تاذيتي عمري تسمعيني بيج شيء ؟؟.
ضليت اباع على عبدالله هو يحجي وياي واني احس دنيا ضلت تفتر بيه نزلت عيوني اشوف ملابسي نگلبت دم ضل عبدالله يباوع عليه ماحسيت بنفسي بس نركع راسي بالكاع وغمضت عيوني.
فتحت عيوني واحس الدنيا تفتر بيه وظهري ياذيني وبطني تاذيني احس جاي تتكطع من الوجع وجسمي من جوه ياذيني كلش بالكوه فتحت عيني اباع بالغرفه اني بالمستشفى ماكو يمي احد بالغرفه ضليت ابجي من الوجع الي بيه نفتح باب الغرفه ودخلت بنيه شابه بس شافتني ابجي اجتي تركض عليه
سستر:شبيج يكلبي ليش تبجين ؟؟.
تبارك:تعبانه جسمي كله ياذيني وظهري وبطني يتكطعاً.
سستر:الله يساعدج يكلبي طبعاً تتاذيني الله يعوضج يكلبي لاضوجين بيها صالح.
تبارك:جاي تحجين بشنو الله يعوضني شكو؟؟.
سستر:صار عندج إسقاط حبيبتي لضوجين يكلبي والله بيها صالح عادي اكو كومه بنات ميثبت عدهم الحمل لضوجين بالمره جايه بس تعرفين نفسج حامل تعالي كبل للمستشفى علمود ميصير نفس الشيء .
اني بس سمعتها هيج تحجي ضليت بس ابجي واصيح ودموعي عشره عشره ضليت الطم حسيت روحي راحت مني سستر ضلت بس تهدي بيه واني بس ابجي واصيح كبل ركضت طلعت من الغرفه مدري وين راحت واني بس ابجي واصيح كبل دخل عبدالله يركض اني شفته كبالي واني اريد اكتله اريد اشرب من دمه ضليت بس اصيح عليه رجعت السستر وببيدها ابره تريد تضربني واني اصيح وابجي
تبارك:هدينييييي موتتت ابنيييييي حرمني من الشغله الي جنت فرحانه بيهااا هدينييييي.
سستر:الزمها بلا زحمه عليك لان اذا ضلت هيج راح تتاذه.
لزمني عبدالله بكل قوه وهيه تحاول تخلي الابره واني بس اصيح عليهم بالكوه ضربتني الابره وعبدالله ضل لازمني ودموعه بعينه واني اريد اكتله ماتحمل اشوفه كبالي ماريد اشوفه لو بيدي اكوم اموته هسه ضليت خمس دقايق بس اصيح واتعارك حسيت جسمي تعب كلش وبدت عيوني تثكل هديت شويه ضليت ما اتحرك عبدالله بقى لازمني باوعتله بعيوني
أنت تقرأ
بين ظلام الحياة
Aksiعنـــدمــا لا تــجـــد الــفتــاة منـ يســندهـا ويصبحـ لهـا ضـخراً للحـاجـة تضـطر الى انـ تهربـ منـ واقعهـا المريـر لتـجعلـ منـ نفسهـا امرأهـ قويهـ هلـ سيحالفها الحضـ وتستعيـد قوتهـا امـ للقـدر رأيـ أخر ✨🤍 الاقتباس بقلم :أسرار الصالحي✨️❤️ الروايه ب...
