بين ظلام الحياة

《البارت14》

تماره

بارحه جان ثاني أصعب يوم بحياتي وره الي شفته كلبي راد يوكف من المواقف الي صارت ومن سمعت صوت مسلم وشلون يهدد بيه ويهدد با امير حسيت نفسي بعد ما اتحمل اي شيء بعد ومن شفت امير بجتفه متصاوب كلبي راح حسيت راح اخسر امير وبعد ما اشوفه ضليت بس ابجي وأصيح اريد بس اشوفه لان خفت كلش وهو ميقبل اطلع من البيت لان مسلم راح ياذي اكثر ضل يصيح عليه علمود ادخل البيت دخلت للبيت وقفلت الباب وضليت الوب مثل الي تطلك بس انتظر يجي امير ويدخل للبيت ومابي شيء

تماره:ياربي لاتحرمني منه وعد يارب اصير زينه وياه بس رجعه الي ماريد اخسره ماريد يموت ويعوفني ماعدي غيره بعد يارب بجاه اهل البيت كون يرجع مابي شيء يارب بعظمة اسمائك وبستر زينب كون يرجع مابي شيء دخيلك يا اللهي.

ضليت الوب بالصالة وبس ابجي وادعي واردد آيات قرانه واسوي ختمات لا اهل بيت علمود بس يرجع مابي شيء مرت عشر دقايق وندك الباب كبل فتحت الباب لكيته كبالي حضنته بكل قوه ودموعي عشره عشره حسيت روحي جنت ضايعه وهسه رجعت لكيت نفسي كعدته وضليت يمه وخابر على محمد ميجاوب وراها خابر على دكتور عقيل اجه بس مخلاني اكعد يمه وصيح عليه علمود ادخل للغرفه ضليت انتظر بالغرفه لحد مسمعت صوت باب البيت نسد ركضت طلعت لكيته كاعد ومخلي ايده على وجهه عرفته متاذي كلبي ضل ياذيني عليه ضلينا  نسولف ونحجي ويسألني خفت عليه لو لا واني مو بس خايفه عليه ميته خوف عليه لو بيدي اخذ الوجع الي بي واخلي بيه ولا اشوف هيج للن امير صار كل حياتي بعد اهلي هو الوحيد الي وياي طول فترة تعبي أخذته للغرفه وغسلتله ولبسته وخليته ينام ضليت حاضنته فتره ورها كمت سمعت دكت الباب مال الشارع عرفته الدكتور لان كلي امير راح يجيب العلاج ويرجع كمت بهدوء علمود ما افززه وطلعت خارج الغرفه فتحت باب البيت داخلي وطلعت للشارع

تماره:منو؟؟.

دكتور عقيل:اني خويه بس جبت العلاج ل أمير.

فتحت باب الشارع اخذت العلاج من الدكتور

عقيل:باعي عيني كتبتلج شوكت ياخذهم وره كل وجبه لمده سبوع وراح يصير زين لتخافين عليه .

تماره:شكرا لحضرتك ماتقصر.

عقيل:عفوا هذا واجبي يلا مع سلامه ومابي غير العافيه.

تماره:الله وياك وربي يعافيك.

سديت باب الشارع ودخلت للبيت خليت العلاج على الطبله بالصالة ودخلت للمطبخ كلت اسوي شوربه يأكلها من يكعد كعدت اسوي شوربه مال دجاج سويتها وكملتها صارت الساعه تقريبا ب٧ اريده يكعد من نوم ماكو دخلت للغرفه اريد اكعده بلكي يكعد فتحت الباب بهدوء ودخلت وسديته هم بهدوء تقربت من السرير اباوعله جان نايم مثل الطفل  مكعور نفسه خليت ايدي على راسه شفته جسمه بارد جبت غطه ثاني غطيته بي ماكعدته شفته كلش تعبانه طلعت من غرفه وضليت افتر بالبيت مادري شسوي كعدت اكلت سويت لفه جبن لان ما اشتهي اكلتها وشغلت التلفزيون وكعدت اباع مسلسل مصري قديم 《لن اعيش في جلباب ابي》كلش حلو حفظ اسم القناه جانت نايلو دراما علمود اشوفها لان عجبتني المسلسل ضليت اباوع تقريبا تلاث مسلسلات وره بعض  صارت ساعه ١٠ بليل طفيت التلفزيون ورحت للمطبخ ضميت الشوربه بالثلاجة علمود متخرب وغسلت ورحت للغرفه وأمير بعده نايم اخذت ملابس من الكنتور ودخلت للحمام اسبح كملت سبح وطلعت مشطت شعري ولبست تراك خفيف ونص ردان  لان جانت حاره مو مال البس شيء شتوي رحت للسرير علمود انام يم امير تمددت يمه وضليت اتأمل تفاصيله واحجي ويه نفسي مثل الخبله