بين ظلام الحياة

《بارت٤》

هلو حبايب شلونكم شخباركم البارت اليوم تعبت بي هواي جنت مريضه بس حاولت أكمله اليوم يارب تستمتعون بي وان شاء الله يعجبكم لا تنسون تطوني رئيكم و تصوتون للبارت

احبكم اميراتي🫶

آخ من تضيج روحك
آخ من تكبر حسرتك

من تطيح وتكبر الضحكه على اشفاف التحبهم
وتگعد ادور عذر بي ترضي روحك

ليش ،، ضحكو
ليش
ليش
وبين ليش ___ وليش عينك تترس الدنيا بدمعتك

وتلتفت ماتلگه احد
وحدك اتكمل مسيرك

لـ طارق الكريماوي

***********************
                            **********************

سمر

كعدت ويه صلاة الفجر مثل كل يوم  باوعت على البنات بعيوني كلهن نايمات سوده عليه من التعب يركضاً منا ومنا علمود يدبرن فلوس وهاي خطيه تماره كاسره كلبي تركض من صبح لليل والحجي طالع ونازل عليها وكل هذا ماتهتم واذا كتله اطلع اشتغل اني تلعب لعب تكلي فوك مرضج اخليج تشتغلين ماعرف شلون اجازي هل بنيه شايلتنا شيل اني وخواتها من هيه وصغير تفكر بينا وتحمل مسؤوليتنا جانت هيه وصغيره تطلع بتقاطع تبيع ماي وتجي فرحانه اذا حصلت فلوس هواي او واحد اطاها فلوس تكلي هاج يمه ضميهم يمج ومسلم بس يشوف عدها فلوس يكتلها وياخذهن شسوي بهذا الولد جبته نقمه اللهم ردته عون يشيلني بالگبر تالي هد حيلي
گمت اتوضى علمود اصلي كعدت على السجاده ادعي

سمر:يا عِمادَ مَنْ لا عِمادَ لَهُ، ويا ذُخْرَ مَنْ لا ذُخْرَ لَهُ، وَيا سَنَدَ مَنْ لا سَنَدَ لَهُ، ويا حِرْزَ مَنْ لا حِرْزَ لَهُ، وَيا غِياثَ مَنْ لا غِياثَ لَهُ، وَيا كَنْزَ مَنْ لا كَنْزَ لَهُ، وَيا عِزَّ مَنْ لا عِزَّ لَهُ .. يا كَريمَ الْعَفْوِ، يا حَسَنَ التَّجاوُزِ، يا عَوْنَ الضُّعَفاءِ، يا كَنْزَ الْفُقَراءِ، يا عَظيمَ الَّرجاءِ، يا مُنْقِذَ الْغَرْقى، يا مُنْجِيَ الْهَلْكى، يا مُحْسِنُ، يا مُجْمِلُ، يا مُنْعِمُ، يا مُفْضِلُ .. اَنْتَ الَّذي سَجَدَ لَكَ سَوادُ اللّيْلِ وَنُورُ النَّهارِ وَضوْءُ الْقَمَرِ، وَشُعاعُ الشَّمْسِ، وَحَفيفُ الشَّجَرِ، وَدَوِىُّ الْماءِ .. يا اَللهُ يا اَللهُ يا اَللهُ ، لا اِلـهَ إلاّ اَنْتَ وَحْدَكَ لا شَريكَ لَكَ ، يا رَبّاهُ يا اَللهُ .. صَلِّ عَلى مُحَمَّد وآلِ مُحَمَّد ، وَافْعَلْ بِنا ما اَنْتَ اَهْلُهُ ..........

يارب بلطفك بعظمة اسمك با اقرب الخلق اليك استر علينا ياربي استر على بناتي واحفظهن مالي غيرهن ياربي أبعد عنهن كل مكروه وقرب كل خير الهن ماعدني غيرك ياربي لاتاخذ عمري اله واني اشوف بناتي مرتاحات  بحياتهن ومزوجات الشخص الي راح يسعدهن يارب بجاه حديث الكساء ومن في الكساء وابنت من في الكساء امسحن  على قلوبهن وريح عقولهن وشافي امراضهن واستر عيوبهن يا الله يا الله .