بين ظلام الحياة

《البارت الاول من الجزء ماقبل الاخير》

صلوا على محمد وال محمد✨️
ممكن نجمه للبارت✨️🪬

************************************

تماره

مرت الايام وجان كل شخص بينا بداخل هم محد يعرف شنو هو بس رب العالمين امير وضعه مو تمام وقليل ضل يجي للبيت وخله حراسه على بيتنا وحتى ضل قليل يحجي وياي ويهتم بيه مثل قبل بس يكلي عندي شغل ويطلع وكذلك محمد ضل ميجي  اجه بس مرتين شاف غدير وجانت غدير كل متشوفه تعوفه وتروح غير غرفه متبقى وياه وعازله نفسها عن الكل وبس تبجي حتى محمد حس ان ماتريده بعد ضل بس يتصل عليه يسأل عليها واصورله ياها ويضل يقهر بنفسه محمل نفسه الذنب كله الي صار ويه غدير ويضل يبجي عليها ضليت انقهر عليه وعلى غدير حتى سمى الطفله صغيره تغيرت احوالها من وره غدير ضلت متاكل وبس تبجي تريد غدير وغدير ماتريد اي شخص جنت اشوف سمى شكد متعلقه با غدير وشلون تحبها وتحسها امها جنت انقهر هواي عليها وخاصه من بقت يمنا ذيج الفتره لان محمد جان مايتواجد بالبيت  جانت حالتهم ماتسر الكلب ابد واحد يقهر على ثاني وتبارك جانت تتواصل ويه عبدالله بالتلفون تخابر بي وهم يختلف التوقيت مرات يجاوبها مرات لا ومرات تسهر بس علمود تحاجي جانت تنقهر هواي من تشوفه ميجاوبها وتزعل وهو يضل يراضيها ومرات يسهر علمودها هو ميت تعب لان ملتهي ويه ايه اخته بالعلاج مالتها هم طول علاجها على اساس نهايه هل شهر يجي بس ما اجه وتاجلت كل واحد بينا براسه شيء وبكلبه شيء ثاني واحد ينقهر على ثاني  جنن واكفه بالمطبخ وجاي اسوي غده وغدير كاعده يمي تباوع عليه وصافنه 

تماره:شبيج غدورتي؟؟.

فزت بس حجيت وياها كبل خلت ايدها على كلبها

تماره:اسم الله رحمن شبيج فزيتي هيج ؟.

غدير:خرعتني .

تماره:اسفه حبيبتي شبيج صافنه بشنو جاي تفكرين؟؟.

غدير:مابيه شيء هيج مجاي افكر ولا شيء.

تماره:متاكده؟؟؟.

غدير:اي متأكد.

نداريت طفيت النار جوه الجدر وجريت كرسي وكعدت كبالها ولزمت اديها

تماره:غدوره اني مو اختج؟؟.

هيه ضلت تباوعلي بعيونها وهزت راسها بمعنى اي

تماره:لعد ليش تضمين بكلبج عني ؟؟ليش تخلين الحزن ياكلب وحدج احنه مو خوات مو لازم وحده تشيل حزن ثانيه ليش عازله نفسج عنه ليش دوم ساكته وتبجين ليش كل هذا جاي تسوي حتى زوجج ابتعدتي عنه وهو جاي يموت بدونج خليج من زوجج حتى طفله الي عودتيها عليج خليتها بس تبجي وتتوسل بيج علمود تبقين وياها ليش جاي هيج تسوين ياكلبي انتي ادري الي صار وياج مو سهل وحقج تسوين اي شيء بس شنو ذنب محمد وسمى تره مراح تلكين احد يحبج اكثر من محمد ولا اكثر من سمى الطفله حالتها متبهذله تبهذل ليش تريدين تسوين بيها حاله نفسيه ليش تريدين تتيتيم مرتين بعد ماعودتيها عليج احجيلي شنو الي بكلبج واني اسمعج ونحل كلشي ليش هيج تاذين نفسج وغيرت ليش ؟؟.