بين ظلام الحياة

《البارت الثاني من الجزء ماقبل الاخير》

السلام عليكم حبايبي رمضان كريم وصحه وعافيه عليكم يارب يعود عليكم بالبركه والخير ان شاء الله🤲❤️

هذا البارت الي ماقبل النهايه وان شاء الله اليوم بليل انزل النهايه اسفه أخرت عليكم البارت بس تعرفون رمضان وشغل قبل رمضان جان ويارب أكدر اليوم بليل انزل البارت علمود نختم هل روايه شكرا على كل كلمه حلوه وشكرا على تفاعلكم وشكرا على كلشي ربي يوفقكم ويفرحكم يارب واتمنالكم كل الخير ستمتعت وياكم كلش في حفظ الرحمن الرحيم❤️

بقلم:آيات الكردي🪬✨️

**************************************

عبدالله

احلا شيء صار بهاي الحياة ان ايه رجعت بخير وصحه وعلاجها كلش زين وجاي تجاوب ويه العلاج الطبيعي ودكتوره معتنين بيها احسن اعتناء كل ما اتذكر اول ماشفتها وشلون حضنتي وضلت تبجي شكد جنت خايف ومتوتر بذيج اللحضه بس اول مادخلت بحضني نسيت كلشي نسيت كل التعب كل الحزن كل التوتر الي جنت شايله بكلبي كلشي نسيت بحضنها هيه القطعه الوحيده الي بقتلي من امي هيه الريحه الوحديه الي بقت من ريحه امي وحنية امي وضحكت امي كلها بيها وكل  ما اتذكر امي شلون من وصتني عليها وكالتلي خليها بطن عينك واكثر من بطن عينك كاعدين اني وايه واباوعلها بعيوني شلون كاعده ولازمه الكتاب مال روايتها المفضله (الحظ لايطرق أبواب الجميلات) وشعرها الأسود نازل على خدودها وعيونها الي كأنها قطعه قهوه بكوب من الحليب نسخه من امي نفس ملامح نفس الشكل حتى التصرفات نفس الشيء رفعت عيونها باوعتلي وضحكت

ايه:ادري اني حلوه بس كافي تصفن بيه تعرفني اكره هل شيء .

عبدالله:ههههههه اسف بس ماكدر اصدك رجعتي الي .

ايه:ولا اني مصدكه رجعتلكم ورجعت اسولف وياك واكعد واضحك براحتي الحمدلله على هل نعمه الحمدلله.

عبدالله:ألف الحمدلله اكلج ندك على بابا؟؟.

ايه :اي دك خطيه بارحه جنت نايمه ماحجيت وياه.

طلعت تلفوني من جيبي اريد ادك على ابويه بارحه حاجاني وجانت ايه نايمه مكدر يحجي وياها ونقهر كلش خطيه دكيت على علاوي ماكو ميجاوب الي اعرف هسه عدهم صبح لان عدنا ليل هسه

ايه:شنو ميجاوبون؟؟.

عبدالله:اي مادري يجوز شامر التلفون علاوي وميدري بي يلا باجر نخابرهم مو مشكله .

ايه :هاهيه يلا اني اصلا نعست اريد انام .

عبدالله:نامي حبيبتي نامي .

ايه:انت كوم روح نام هم يلا لضل للصبح يمي هنا يلا كوم روح.

عبدالله:نامي واروح بس اشوفج نمتي اطلع.