علي البليهي

1

(سكرت من اسعد مكالمة في حياتي واخيرا انقبلت بالوظيفة المناسبة اللي ابغاها ورحت ركض عند امي واختي ابشرهم)

-اختك: تستاهلين اكثر والله ياختي مبروووك.
-انتي: الله يبارك فيك ياربي ماني مصدقة احسه حلم.
-امك: لا صدقي صدقي بنتي قدها وكنت متاكدة رح تنقبلين، شوفي خالتك دقت على طول ما مداني رسلت بالقروب ههههه.
-انتي: هههه كلميها فيديو.

-خالتك: مبرووك يا بنتي من اول واثقة رح تنقبلين وبخرت لك الغرفة وجهزتها.
-انتي: ههه تسلمين خالتي والله يبارك فيك.
امك: على طول بتاخذ بنتي مني اصبري شوي.
-خالتك: ما عليك من امك الآن تجهزين اغراضك وتجين عندي.

(خالتي عايشة في منطقة تبعد عننا ساعتين وهي المنطقة اللي فيها وظيفتي الجديدة، نزورها كثير ودايما تقول انها تتمنى نبقى عندها لانها تطفش بالبيت وحدها. ولدها علي يسافر كثير عشان مباراياته وبنتها راحت بعثة لامريكا السنة الماضية)

...............................................................................
(من يوم خبر الوظيفة لين جهزت شنطتي وجا اليوم اللي امشي فيه ولحد ما وصلت بيت خالتي وانا في قمة سعادتي، وتوني بدق الباب واسمع صوت بوري وراي)

-البليهي: وش جابك عندنا؟ وين خالتي؟
-انتي: وعليكم السلام
-البليهي: شعندك جاية لوحدك؟
-انتي: ما تغيرت ولا ربع ما شاء الله للآن ما عندك اسلوب!
-البليهي: وجايبة شنط كبيرة بعد مهاجرة؟
-انتي: انت مو كان عندك مباريات ومدري وش متى جيت؟
-البليهي: امس

(انفتح الباب وطلعت خالتي)

-خالتك: وانا اقول اسمع اصوات برا، هلا بنيتي هلااا بالموظفة.
-انتي: يا هلا فيك خالتي حبيبتي.
-البليهي: انتبهي يمه هذي مكيدة ترى هاربة من بيتها بتنخش عندنا.
-خالتك (هبدت علي بشويش): بارك لبنت خالتك انقبلت في وظيفة احلامها وبتسكن عندنا باذن الله.
-البليهي: اهاااا مبروك مبروك، السفن اللي بالثلاجة لي لا تشربينه.
-انتي (بتسليك): ههه ماشي.

(دخَّلت معي الشنطة الصغيرة اول ودخل وراي علي وبيده شنطتي الكبيرة مرة وتوني جيت بشكره الا طقطق على اني معبيتها حجارة فسكت. جلست مع خالتي وسواليف وضحك وشاي وحسيتها من قلبها سعيدة اني بكون معها بالبيت)
...............................................................................

(رحت غرفتي وفعلا خالتي ما قصرت مرتبة ومبخرة وتفتح النفس، فكيت الشنطة ورتبت اغلب الاغراض وخلاص بموت تعب فقلت انام واكمل بكرا، واسمع صوت طقة الباب)

-انتي: هلا خالتي حياك.
-البليهي: وين السفن حقي؟
-انتي: علي اطلع وربي تعبانة مالي خلقك.
-البليهي: متى دوامك؟
-انتي: بعد بكرا.
-البليهي: ايش التسيب ذا؟ وين حماس الوظيفة؟ روحيلهم قبلها بيوم بيني انك مجتهدة.
-انتي: وربي لو ما تطلع برمي عليك المخدة.
-البليهي: المفروض اخاف؟