علي البليهي

10

(ليلة السبت وانا في القطار راجعة افكر كيف بشوف علاوي؟ وكيف بتصرف؟ كل مرة احاول اتخيل اللقاء اموت حيا! ما توقعت يخطبني بذي السرعة وبعد كل شي سويته له. وصلت ونزلت شنطتي وانا امشي لبوابة المحطة رن جوالي ووقفت اطالع فيه مترددة ارد او لا)

-البليهي: في وحدة تسمي خطيبها الحمار؟؟؟؟
(نقزت من الخرشة وطاح جوالي وصقعت باللي وراي)
-البليهي: بسم الله عليك.

-انتي: خرشتني! جاي تاخذني؟
-البليهي: يب.
-انتي: كيف عرفت ان هذا وقت وصولي.
-البليهي: سألت اختك.

-انتي: كنت تقدر تسألني.
-البليهي: عشان تطالعين الجوال وما تردين مثل قبل شوي؟
(ابتسمت وجلست اطالعه، عيوني قلوب ونفسي احضنه بقوة من الشوق بس ماجتني الجرأة)

-البليهي: لا تعطيني نظراتك اللعوبة ذي وتضيعين الموضوع.
-انتي: اي موضوع؟
-البليهي: ليش مسمية خطيبك الحمار؟
(ضحكت بخفيف ووجهي قلب احمر)

-انتي: عندي كلام كثييييير ممكن نروح مكان نجلس؟
-البليهي: تمام يلا، جوعانة ولا تبغين قهوة؟
-انتي (قلت بحماس): ستاربكس!!
-البليهي: هههه حاضر.

(ركبنا السيارة وبالطريق جلس علاوي يسولف ايش صارت من فعاليات في الكويت ووين راحوا، طبعا انا متابعة كلشي بسناباتهم بس ابغى اسمعه يسولف. دخلنا ستاربكس وطلبنا وجلسنا)

-انتي: ما اعرف حتى من وين ابدأ.
-البليهي: ابدأ انا؟
-انتي: تفضل.

-البليهي: بعد ايام من الهواش والمناقر استوعبت اني ما ابغى اسولف واتطاقق واضحك الا معك، كنت معتقد انك تحبيني لكن مهما لمحت لك ما تفهمين ودايما تفكريني ادور سبب عشان اتطاقق معك.

-انتي: اعترف ان كان في اشياء واضحك بس انا ما فهمت.
-البليهي: ههه كثيييير، لكن لان ما فهمتي حسيت اني ممكن كنت اتخيل وانك فعلا تعتبريني مثلي مثل اي شخص عشان كذا قلت لك اني "كنت" احبك وبنبدأ صفحة جديدة.

-انتي: يب بعدها صرت انا غريبة اطوار وتصرفاتي طفولية.
-البليهي: الصراحة استغربت وانصدمت كثير بس كنت اسوي نفسي طبيعي عشان ما اجدد شعوري تجاهك بس حضرتك ما قصرتي يعني!
-انتي: تنرفزت مني؟

-البليهي: مو تنرفزت بالاصح تشوشت، مني عارف اذا تبغيني او لا.
-انتي: ولما اعتذرت لك؟
-البليهي: حسيت انك اخيرا فهمتي مشاعرك وجا الوقت اني انتقم شوي على سواياك وعطيتك بوسة خفيفة.

(نزلت راسي من الحيا لما تذكرت الموقف)
-البليهي: ندمت شوية اليوم اللي بعده لما كنت رايح لك الدوام مبسوط بس ما فكرت اني حطيتك بالضبط في نفس التشويش اللي انتي حطيتيني فيه، عصبت لما قلتي لي اروح وتركتيني بنص المكان بس تفهمت انك كنتي محتاجة وقت وانا داهمتك. في لحظتها طفشت من حالنا وقررت اخليك لي رسميا.