علي البليهي

3

-فهد: انتي معي ولا؟
-انتي: ها؟ لا معك معك كمل.
-فهد: شفيك ساعة سرحانة؟
-انتي: امممم فهد مرة كرهت شخص بس حسيته خفيف دم في نفس الوقت؟

-فهد: هاذي تلميح لي ولا ايش؟
-انتي: ههههه لا بس جاوب.
-فهد: لا ما اعتقد يعني اذا كرهت شخص حتى لو كان يضحك ما بضحك.

-انتي: واذا ضحكت؟
-فهد: يعني ما تكرهه.
-انتي: اها اوكي... المهم وش كنت تقول؟

-فهد: الحفل السنوي، لك تذكرتين مجانية واذا تبغين زيادة لازم تشتريها من الحين عشان ما تخلص.
-انتي: تمام تمام، سولفت مع الموظفات وحكوا لي عن حفل السنة الماضية ومررة تحمست.

.................................................................................
(رجعت البيت والاقي علي جالس بالصالة، قررت اقعد وافتح سالفة عشان يصير الوضع طبيعي وكأني نسيت شصار امس)

-انتي: وين خالتي للحين نايمة؟
-البليهي: لا ما رجعت من امس عند صديقتها، تقول بتقعد عندها شوي لأن مالها احد ومحتاجتها.
-انتي: شوي؟!! كم يوم يعني؟؟

-البليهي: بشويش بشويش، مادري ما قالت كم يوم بس وش عندك انفعلتي؟
-انتي: اففف ولاشي.
-البليهي: انتي اوك اليوم ولا بالعة بندولات؟ عشان اعرف اغطي شعري ولا؟
-انتي: الغلطان اللي يجلس معك بقوم غرفتي.

-البليهي: نمزح عاد شدعوة ههههه قولي وش عندك.
-انتي: شركتنا بيسوون الحفل السنوي بكرا وكنت ابي خالتي تجي معي.
-البليهي: وش تسوي في حفل شركتكم؟
-انتي: الحفل كبير مرة والناس تشتري التذاكر بس الموظفين لهم تذكرتين مجانا، يعني مو بس للشركة في كثير فعاليات وفي ناس مهمة بعد رح يجون وابغى اروح بس ما اعرف احد.

-البليهي: واللي معك بالدوام؟
-انتي: البنات كلهم معهم احد، اللي بتجيب زوجها واللي بتجيب صديقتها. ما ابغى ادخل بالنص بينهم.
-البليهي: متى ذا الحفل؟
-انتي: بكرا، ليش بتجي معي؟؟؟
-البليهي: لا بس اسأل.

-انتي: الا الا شرايك تجي بليييز.
-البليهي: عندي شغل مع الفريق بكرا.
-انتي: لا تكذب انت في اجازة!
-البليهي: طيب واجازة يعني ما نتقابل؟

-انتي: علاوي...
-البليهي: وقت المصلحة صرت علاوي؟
-انتي: خلاص انقلع بسأل فهد يمكن ما عنده احد.
-البليهي: مو مديرك ذا؟
-انتي: لا موظف معي، المهم يلا ببدل واريح شوي بعدها نذاكر ونسوق.

.................................................................................
(لما دخلت غرفتي اتصلت اختي)

-انتي: يا هلااااا، اشتقت لك يا حمارة.
-اختك: ههههه عزفتي قيمتي احين، بس والله حتى انا طفشت البيت هدوووء ومافي احد اسولف معه واحش.
-انتي: يلا قرب الويكند جايتكم ان شاء الله.