(مرت لحظات صمت شوي)
-البليهي: تبيني احبك؟
(طالعنا بعض بعدها تركته ومشيت عند المحاسب، جا جنبي ودفع واخذ الاكياس وركبنا السيارة)
-اختك: شفيكم طولتوا؟
-انتي: في واحد مريض وشايف نفسه قاعد يحن على وحدة.
-البليهي: وفي وحدة خوافة وما تقدر تتكلم.
-انتي: يمكن لأن الواحد كلامه ما يستاهل الرد اصلا.
-البليهي: او لأن الوحدة ما تقدر تتكلم بصراحة لمدة ثانيتين!
-اختك: شفيكم تصارخون طيب؟!
(ظلينا ساكتين طول وقت الرجعة وكل واحد راح غرفته)
..................................................................................
- اختك: احين ممكن تشرحين لي ايش صار في الخمس دقايق اللي خليتكم بروحكم؟ متى مداكم تتهاوشون للمرة البليون؟؟
-انتي: تخيلي قاعد يحن علي يبي رقم ريم! بعدين يقولي انتي تحبيني وبتموتين علي!! شايف نفسه بشكلل مو طبيعي.
-اختك: قالك انتي تحبيني؟؟
-انتي: اييييي تخيلي كمية النرجسية!
-اختك: وانتي وش قلتي؟
-انتي: مشيت ما رديت عليه.
-اختك: لييييييييشش؟؟؟؟
-انتي: تستهبلين؟ ايش تبغيني اقول؟
-اختك: الى متى بتلعبون هاللعبة يمين ويسار كل واحد كبريائه اعلى من الثاني؟
-انتي: شدخل شدخل؟!! بليز اذا قصدك اني معجبة فيه ومابي اعترف انسي هالفكرة!
-اختك: اها اوك اجل ليش ما عطيتيه رقم ريم؟
-انتي: لأن... لأنها ما... يعني ما يصلحون لبعض وانا اخاف على صديقتي وبس!
-اختك: انا ما ادري انتي جالسة تقنعيني ولا تقنعين نفسك، بس عموما كل واحد فيكم يحتاج يقعد مع نفسه ويفهم ايش صاير بينكم.
-انتي: انا فاهمة هو اللي...
-اختك: اوك اوك انا بنزل.
....................................................................................
( جات الساعة عشر وكلنا تحت في الصالة نسولف الا علي في الغرفة فوق، جلست افكر بردة فعلي في السوبرماركت وحسيت اني يمكن اوفرت شوي. صعدت فوق ودقيت الباب)
-البليهي: تفضل.
-انتي: هاي
(علي كان منسدح رفع عينه ورد ببرود ورجع يطالع جواله، تنرفزت شوي بس تذكرت اني اصلا جاية اصلح الوضع فرحت جلست على زاوية السرير)
-انتي: ريم خريجة ادارة اعمال، تشتغل في شركة ابوها.
-البليهي: الله يوفقها.
-انتي: اذا فتحت حسابي بتشوفني ممنشنتها في اغلب البوستات.
-البليهي: اوك.
-انتي: تبي رقمها؟
(علي جلس وطالع في عيني بوجه جدي)
-البليهي: لأي درجة من الغباء ممكن توصلين؟
أنت تقرأ
علي البليهي
Romanceتخيل / رواية قصيرة عن علي البليهي (الكاتبة قاعدة تهبد تخيلات اخر الليل فسلكوا لها بليز) . . . . كل اللي مكتوب من تأليف وخيال الكاتبة ولا يمت للواقع بصلة👍🏻
