علي البليهي

6

-البليهي: (صحيت وانا مرتاح ومبتسم واسترجع احداث امس، اتوقع عادي اعترف بيني وبين نفسي ان شكلها لطيف وهي تبكي. الصراحة اني سمعت صوت غرفتهم ينفتح ولما طليت وشفتها تنزل الدرج لحقتها بس ما توقعت تخترع لهالدرجة.
قطع افكاري صوت دق الباب)

-البليهي: تفضل.
-انتي: صباح الخير خالتي تقولك انزل بنفطر.
-البليهي: وليش انتي اللي جيتي تناديني؟

-انتي: تونا بسم الله صباح جديد تبي هوشة جديدة؟
-البليهي: ليش ما تتوقعين اني ابي العكس؟
-انتي: مدري وش تخربط اذا خلصت انزل تحت ينتظرونك.

(نزلت وجلسنا نفطر واحمد استأذن عشان عنده دوام)

-خالتك: ها بنات وش خطتكم؟
-اختك: ما اعرف بنتسوق وبعدها نروح مطعم او شي.
-انتي: انا مو قايلة لك ما اقدر اتمشى جرحت رجلي.
-امك: وش صار لك بتالي الليل؟

(حسيت بنظرات علي وهو يطالعني وباين حاس بالذنب شوي)

-انتي: طاح الكاس بالغلط جرحتني زجاجة، المهم انا اقول نقعد نسولف وبعدها ناخذ ريم ونروح السينما.
-اختك: ريم بتجي؟ من زمان ما شفتهااا!!
-خالتك: هاذي صديقتك بالجامعة؟
-انتي: اي، قلت لها اني جيت ولازم اشوفها.

....................................................................................
(بعد ما خلصنا فطور)

-البليهي: متى بتروحون؟
-اختك: يعني اذا السينما انا اقول العصر كذا، بتودينا؟
-البليهي: تمام مافي مشكلة.

-انتي: احجز لك تذكرة؟
-البليهي: عادي اقدر اوديكم بس وادور لي جدول.
-انتي: ليش تعال معنا بعدين نتعشا ونرجع كلنا سوى.
-البليهي (ابتسم): اذا ما تقدرين تعيشين بدوني ماشي.

-انتي: كنسل ما نبيك خلاص.
-اختك: لا لا ما عليك منها الا تعال.
-انتي: ليش؟

-اختك: بتدلع على صديقاتي انه ولد خالتي.
-البليهي: اسألوا صديقتكم يمكن ما ترتاح.
-اختك: ريم؟؟ بالعكسس.

-انتي: وش دراك انتي؟
-اختك: ترى صرنا نطلع نع بعض من بعد ما رحتي.
-اختي: حلو هههه طيب تم العصر نمشي.
....................................................................................

(لبست وخلصت ورحت اطق باب غرفة علي -او يعني غرفتي بالاصح-)

-البليهي: تفضل.
-انتي: خلصت؟
-البليهي: يب
-انتي: طيب... امممممم اركب السيارة.

-البليهي: لسا ما خلصتوا طيب ليش انتظركم في السيارة؟
-انتي: احين بنجي.
-البليهي: داخلة علي تطرديني ما فهمت؟
-انتي: لاااا لالالا مو قصدي كذا.. بس ما جبت معي اغراض عشان عندي اغراضي وما دريت انك بتنام بغرفتي.