علي البليهي

2

(صحيت وانا متحمسة الف ومروقة، سويت لي قهوة وطلبت كريم)

-المدير: ..... وان شاء الله تكون بداية موفقة لك.
-انتي: امين يارب.
-المدير: هذا فهد بيساعدك اليوم ويعلمك الاساسيات، بالتوفيق.
-فهد: هلا انا فهد، خلينا ناخذ جولة بالمكان اول بعدين نبدا الشغل تمام؟
-انتي: ياليت والله الشركة كبيرة ضعت وانا داخلة.

( فهد وراني المكان واكتشفت انه كان بنفس جامعتي في امريكا لكن تخرج قبلي بثلاث سنوات. شخصيته جدا عفوية ولطيفة. انتهى اول يوم دوام وكنت كل ثانيتين اروح لفهد اسأله عن شي بس كنت مستمتعة وفعلا حاسة ان ذا مكاني)
....................................................................................

-خالتك: يا هلا بالموظفة، كيف اول يوم دوام؟
-انتي: مرررة يونس خالتي حرفيا المكان كبير ويفتح النفس.
-خالتك: زين الحمد لله، واللي معاك كويسين ساعدوك ولا؟
-انتي: اي اي اول ما جيت عرفني المدير على موظف ساعدني بكل شي ونفسيته حلوة، مع اني ازعجته طول اليوم اسأل بس ساعدني من قلب؟

-خالتك: من ولده؟
-انتي: خالتي شدراني اعرف اسمه فهد بس هههه.
-البليهي: يمه ترى رايحة تشتغل مو تسولف وتتعرف.
-خالتك: اي ما عليه ما تدرون وين النصيب.
-انتي: اااا انا بروح غرفتي اغير.

....................................................................................
(تروشت ولبست وجهزت كم ملف عشان اتفاقي مع علي)

-انتي: يلا نقول بسم الله؟
-البليهي: وخري عن الشاااشة.
-انتي: قفل لعبتك يلا بندرس.
-البليهي: خمس دقايق واجي.
-انتي (رحت عند البليستيشن وطفيتها): يلا احين.
-البليهي: قد الحركة اللي سويتيها؟
-انتي: اي، اخلص تعال.
-البليهي (بصوت واطي): لا تضرب بنت لا تضرب بنت.

-انتي: اول شي بتحل اختبار عشان اشوف مستواك.
-البليهي: احس ان ودي اكنسل.
-انتي: لا لا تحمست وانا اجهز الملفات، بس اسبوع عالاقل بعدين فكر تكنسل ولا.
-البليهي: اي عشان المصلحة بس ماشي.

(علي حل الاختبار قدامي وعرفت ايش الاشياء اللي يبيلها تحسين عنده والصراحة مستواه احسن من اللي توقعته بكثير، بديت اشرح اول قاعدة)

-انتي: وبس سهلة صح؟
-البليهي: اي اي فهمت اللي بعده.
-انتي: يلا حل ذي الامثلة عشان اشوف فهمك.
-البليهي: طيب...
-انتي: امبيه لحظة لحظة وشذا ما ينفهم شي.
-البليهي: اذا بتتمسخرين بقوم.

-انتي: لا لا خلاص، مو لازم يصير خطك فنان بس اكتب عالسطر عالاقل... اي اوك.... لا مو كذا خلي الحروف نفس الحجم مو واحد وواحد.
-البليهي: اهم شي المحتوى خلاص شوفي فهمت القاعدة ما عليك من الخط.