علي البليهي

4

-البليهي: هذا المكان اللي انا بروحله.
-انتي: ايش؟؟ ليش؟
-البليهي: كل الفريق معزومين عالايڤنت.

-انتي: سبحااان الله ويوم اقولك تعالي معي ما رضيت احين بالغصب جيت.
-البليهي: اقول انزلي انزلي، ترى بروح مع اخوياي ما بمشي معك.
-انتي: على اساس انا ابيك اصلا!

(نزلت وصفقت الباب عمدا عشان يتنرفز، ادري ان احنا واجد نمزح مع بعض وعادي بس هالمرة احس انقهرت، ايش يعني ما ابغى امشي معك وبقعد مع اخوياي؟ ليش حاط في مخه اني فكرته بيمشي معي كأني ميتة عليه؟؟)

-انتي: الو؟ هلا فهد
-فهد: ها وصلتي ولا؟
-انتي: اي انا عند المدخل.
-فهد: اوك... شفتك شفتك.

-فهد: هلا كيفك اليوم؟ متحمسة؟
-انتي: بصراحة المكان شكله اكبر حتى من اللي تخيلته، بس بسألك لاعبين الهلال هنا؟
-فهد: ما كنت ادري انك راعية كورة هههه اي معزومين.
-انتي: اها طيب يلا خلينا نتمشى.

(المكان فعلا كبير وحلو، الكل كاشخ وفي بوثات لشركات وفي كذا مشهور وكافيهات وقسم فيه العاب. ما خلينا زاوية ما رحناها فعلا فعلا انبسطت)

-انتي: اخخخ خلاص تعبت، نجلس شوي؟
-فهد: تعبتي ولا ما تبغين تنهزمين مرة ثانية؟
-انتي:اقول لا تسوي فيها انت متعمد مختار لعبة السلة عشانك ضامن الفوز.
-فهد: ماشي ماشي بروح اجيب لنا مشروب وبعدها اختاري اللعبة اللي تبغينها.
-انتي: اوك.

(وانا جالسة قعدت اطالع الناس وشوي لمحت علي مع ثلاثة يتمشون وقاعدين يقربون، طاحت عيني في عينه وانا التفت يعني ما شفته)

-البليهي: ثواني يا عيال بروح وبجي.... من جدك؟
-انتي: شتبي؟
-البليهي: قاعدة تتمشين بروحك؟
-انتي: مالك دخل.
-البليهي: وشفيك فاصلة علي ما اتذكر اني سويت شي غلط؟ هذا جزاتي موصلك ومصورك ومخليك تتاخرين براحتك.

-انتي: اولا مني فاصلة على احد، ثانيا لا تتمنن علي ما غصبتك توصلني، ثالثا ما صورتني سحبت الجوال من يدي وصورت نفسك، رابعا...
-البليهي: بس بس بس كل ذا وتقول مو فاصلة!

-انتي: انت مو قلت ما بتمشى معك وبروح مع اخوياي شتبي احين؟
-البليهي: اهاااااا احين فهمت. يا عياااال تعاالوا شوي!
-انتي (بهمس): علي علي علي لا تستهبل!

-البليهي: اعرفكم، بنت خالتي اللي قلت لكم ساكنة معنا.
-سلمان: يا هلا والله تشرفنا.
-كنو: والله الصراحة صفففففر شبه بينكم!
-سالم: تشرفنا.

-انتي: هههه انا اشرف.
-كنو: كيف كيف؟ هههههههههههههههههه
-البليهي: اسمها الشرف لي يا حظي.
-سلمان: عادي عادي تصير ما عليك.