(دخلت غرفتي وقفلت الباب ورميت نفسي على السرير، من متى يفكر فيني بذي الطريقة؟ هل انا فعلا سويت شي غلط خلاه يحس عني كذا؟... سمعت طق الباب وعرفته انه هو فما رديت)
-البليهي: ممكن نتكلم؟
...
البليهي: وربي مو قصدي والله زلة لسان.
...
البليهي: طيب خلينا نتفاهم عالاقل
(استمريت بالصمت لأن مافي اي شي ودي اقوله وسمعت جواله يرن وصوته يبعد، سكرت اصوات مخي والتفكير ونمت)
..................................................................................
(صحيت اليوم اللي بعده وكان قطاري العصر اخيرا بشوف اختي والله اشتقت لها كثير، للحين ما ابغى اشوف وجه علي فبجهز اغراضي وبنزل واطلع على طول، شوي دقت خالتي الباب)
-خالتك: وينك من اول انتظرك ابفطر معك؟
-انتي: يا هلاا خالتي متى جيتي؟
-خالتك: امس دقيت على علاوي يجي ياخذني.
-انتي: كيفها صاحبتك ان شاء الله احسن؟
-خالتك: الله يعوضها خير الحمد لله على كل حال، جهزتي شنطتك؟
-انتي: اي قطاري العصر.
-خالتك: وش قطاره؟ انا قايلة لعلاوي يودينا ما قالك؟
-انتي: لا ما فتحت جوالي لسا.
-خالتك: يلا انزلي نفطر ونمشي.
-انتي: حاضر.
(نزلت وطبعا كان علي تحت جالس ياكل وما طالعته، قعدت اسولف مع خالتي واكيد حست ان صاير بيننا شي. خلصنا ورحنا كلنا فرق نلبس عشان نمشي. وانا طالعة من غرفتي طلع علي بنفس الوقت وبدون ما نتكلم اخذ شنطتي وشنطته ونزلهم تحت)
-انتي: خالتي ليه ركبتي ورا؟
-خالتك: ظهري ما يتحمل جلسة ساعتين خلوني ورا انا بشرب شاهي وانام.
(ركبت جنب علي وحطيت سماعاتي مع اني مو مشغلة شي بس عشان ما يكلمني، وصلنا عند ستاربكس ولف علي ينتظرني اقول شي بس خزيته والتفت عالنافذة)
-البليهي: حبيبي جيب ٢ ايس شيكن وايت موكا كراميل اب اند داون ثانكيو... تفضلي.
انتي (بس عشان خالتي موجودة): شكرا.
..................................................................................
(وصلنا البيت بعد طريق غريب، خالتي صدق شربت الشاهي ونامت وعلي كل شوي يلتفت علي يبغى يتكلم بس مو عارف)
-اختك: ااااااااااااا اخييرراااا اشتقت لك يا حمارة اففف.
-انتي: ههههه وانا اكثر وربي عندي لك سواليف الدنيا.
-امك: هلا بوخيتي تو ما نور بيتنا وينك من اول.
-خالتك: تعالي بقولك وش صار على ام احمد تخيلي...
-اختك: هلا علاوي كيفك من زمان عنك والله ومسوي معضل ومضبط الشعر وحركات.
-البليهي: تمونين صايرة قليلة ادب اكثر من وانتي بزرة.
-اختك: هههه عاد احين لازم اسوي نفسي امون لاني ابي منك خدمات.
-البليهي: وش خدماته توني داخل البيت بسم الله.
أنت تقرأ
علي البليهي
Romanceتخيل / رواية قصيرة عن علي البليهي (الكاتبة قاعدة تهبد تخيلات اخر الليل فسلكوا لها بليز) . . . . كل اللي مكتوب من تأليف وخيال الكاتبة ولا يمت للواقع بصلة👍🏻
