علي البليهي

9

(ما قدرت انام قاعدة افكر باللي صار توه!! كيف بشوفه بكرا؟ مستحيل اشوفه اصلا لا، بعدين انا كنت جالسة اعتذر على حركاتي يجي هو يزيد الطين بلة.

صحيت اليوم وكنت متاخرة طلبت سيارة وجهزت ونزلت بسرعة)

-البليهي: شوي شوي لا تطيحين!
-انتي: هاي .. باي.

(طلعت ركض مو عشان الدوام بس عشاني مو مستعدة اشوفه واسولف معه، للحين ما اعرف ايش اللي بيننا)
..................................................................................

-فهد: صباح الخير، ترى اليوم عندنا شغل مرررة كثير يدوب نلحق نخلصه.
-انتي: كويس هذا اللي احتاجه احين.
-فهد: حلو الحماس يلا برسلك الايميلات.

(خلص وقت الدوام من نص ساعة ومافكرت بعلاوي مرة وحدة صدق حطيت كل تركيزي بالشغل)

-فهد: باقي كم شي نخلصها بكرا.
-انتي: انا بقعد بخلصهم.
-فهد: ترى خلص وقت الدوام.

-انتي: عادي عادي انت روح.
-فهد: لا خلاص بقعد معك ما عندي شي اساسا.
-انتي: تمام، اجل اروح اجيب لنا قهوة واجي.

(نزلت تحت الكافتيريا وفتحت جوالي اخيرا وشفت خمس اشعارات من علاوي بس ما فتحته ما ابغا افكر الحين)

-البليهي: ليش جبتي لي مر انا احب الحالي؟
-انتي: بسم الله وش جابك هنا؟
-البليهي: جيت اخذك من زمان ما تدربتي قيادة.

-انتي: عندي شغل انت روح بشوفك بالبيت.
-البليهي: حق مين القهوة؟
-انتي: فهد.

-البليهي: خلص وقت الدوام.
-انتي: طيب عندنا شغل بنخلصه اليوم.
-البليهي: هو قايلك؟

-انتي: لا انا اللي قلت وهو قال بيقعد معي.
-البليهي: خليه يروح وأنا بقعد معك.
-انتي: علي خلاص اشوفك بالبيت!

(تركته ومشيت وشي ينغز قلبي، ما كان ودي نتناقش كذا ولا ابغاه يروح بس وجوده صدمني. خلصت الشغل ورجعت البيت عالمغرب)
..................................................................................

-خالتك: يا هلا والله ببنتي الحلوة.
-انتي: هلا خالتي، وين علاوي؟
-خالتك: طلع من الظهر ما رجع.

-انتي: تمام انا بصعد ابدل.
-خالتك: لا تنامين تراي مسوية غدا كلي بعدين نامي.
-انتي: حاضر.

(وانا بالغرفة جلست افكر وين راح وهل هو زعلان مني؟ بس انا ليش مهتمة لذي الدرجة؟ معقولة... افففف خلاص افهمي مشاعرك عشان تفهمين مشاعره. تحبينه ولا لا؟ يمكن... اي اي. خلاص بدق عليه)

-البليهي: الو.
-انتي: وينك؟
-البليهي: عليكم السلام.

-انتي: ويييننك؟
-البليهي: طالع.
-انتي: طيب متى بتجي؟