Zombie ဘုရင်ကသာမန်ဘဝမှာ နေထိုင်လိုတယ် (MM Translation)

Chapter_8

Unicode

လုရန်သူ၏မျက်လုံးကိုဖွင့်လိုက်သည်။ မနက်ခင်းနေအလင်းရောင်သည်သူ့နဖူးပေါ်ရှိ ကုလားကာကြားမှထွန်းလင်းတောက်ပနေပြီး မျက်နှာကျက်အပေါ်ရှိစတုရန်းပုံမီးပုံးပျံသည် အဖြူရောင်မီးအိမ်ပေါ်ရှိအလင်းစက်ဝိုင်းလေးဖြင့် မျက်လုံးကိုဖမ်းစားထားသည်။ 

သူနေရာသစ်တစ်ခုဆီကိုပြောင်းသွားတာဖြစ်နိုင်သည်။ သူအနည်းငယ်ထူးဆန်းသွားပြီး တခဏချင်းတုန်လှုပ်သွားကာ သူဘယ်ရောက်နေလဲမမှတ်မိပေ။ အလင်းရောင်၏ထောင့်မှမျက်နှာသည် တိတ်ဆိတ်ဖြူစင်နေပြီးအပြစ်ကင်းစင်နေသည်။ အနုစိတ်ထွင်းထုထားသော အနုပညာလက်ရာကဲ့သို့ တောက်ပနေသည်။ သူ့မျက်လုံးကိုပွတ်သပ်လိုက်သည်။ သူပွတ်သပ်ပြီးတဲ့အခါ သူ့အရှေ့တွင်အိပ်ပျော်‌နေသောမျက်နှာကိုမှတ်မိလိုက်သည်။ 

လုရန်ဖုန်းကိုတစ်ချက်ကြည့်လိုက်သည်။ ဖုန်းမျက်နှာပြင်တွင်ပြထားသောအချိန်သည်၆နာရီ၁၂မိနစ်ဖြစ်သည်။ သူသည်ကြမ်းပြင်မှပေါ့ပေါ့ပါးပါးထကာ ဖိနပ်ကိုစီးပြီးအိပ်ခန်းထဲမှထွက်လာခဲ့သည်။ 

အရေပြားက ချွေးဒါမှမဟုတ်အဆီတွေမထွက်ဘူးဆိုရင်တောင်မှ လုရန်သည် ပုံမှန်လူလိုနေ့တိုင်းသွားတိုက်ပြီး မျက်နှာဆေးကြောဖို့လုပ်ဆောင်လေသည်။ ၎င်းတို့အားလုံးသည် အသေးအဖွဲ့နှင့်အသုံးမဝင်သောအလေ့အထများဖြစ်သော်လည်း လုရန်အတွက်ကတော့ သာမာန်လူများကဲ့သို့ဘဝတွင် လုပ်ဆောင်ရမည့် အသေးစိတ်အချက်များပင်ဖြစ်သည်။ 

လုရန်သည်သူ့လည်ပင်းကအမှတ်အသားကိုဖုံးဖို့ တိပ်ပတ်တီးကိုသုံးကာဖုံးထားလိုက်သည်။ ထို့နောက်သဘာဝအနက်ရောင်မျက်ကပ်မှန်ကိုတပ်ကာ ဝတ်စုံတွင်အပြစ်အနာစာကင်းကြောင်းအတည်ပြုပြီးသည်နှင့် ရေချိုးခန်းတံခါးကိုသော့ဖွင့်ကာထွက်လာလိုက်သည်။ 

"မင်္ဂလာနံနက်ခင်းပါ ဒေါက်တာ" ယွိယွီကပွယောင်းနေတဲ့အညိုရင့်ရောင်ဆံပင်နဲ့ ပျင်းရိစွာသမ်းနေလေသည်။ 

လုရန်သည်သူ့ရှေ့တွင်သက်ရှိထင်ရှားရှိနေသည်လူကိုမမြင်သကဲ့သို့ "အမ်"ဟုထွက်လိုက်ရင်း မီးဖိုချောင်ထဲသို့ဝင်သွားလေသည်။