Unicode
"ဘယ်လိုလေးမှန်းကိုမသိဘူး အတူတူပြန်ချင်တာကိုမသိတာလား။"
ကိုယ်တိုင်တောင်သတိမထားမိခင်မှာပဲ အချိန်တိုအတွင်းမှာ ထိုကလေးမလေးဟာ သူမရင်တွင်း၌ သံယောဇဉ်ဆိုသည့် ကြိုးမျှင်မျှင်ကလေးဖြင့် တွယ်ရစ်လာခဲ့သည်။
"အမိ မျက်နှာကဆူပုတ်နေတာပဲ ဘယ်သူ့ကိုစိတ်ကောက်လာတာလဲ မဟုတ်မှ မိနွယ်ကိုမှဟုတ်စ။"
"မဟုတ်ပါဘူး တီချယ်ကြီးကလဲ...။
ကလေးတစ်ယောက်ကြောင့်...။"
"အလိုတော် ကလေးတစ်ယောက်ကြောင့် အမိက အခုလိုဖြစ်နေတာပေါ့။"
တီချယ်ကြီး အံ့ဩမယ်ဆိုလည်း အံ့ဩစရာပင်။မိမိဘဝတွင်ဆရာမလုပ်သက်တစ်လျှောက် ကလေးတစ်ယောက်ကြောင့် အခုလိုစိတ်ကောက်နေသည်ဆိုတာ မရှိခဲ့ဘူးပေ။ အမြဲ အဆင်ပြေအောင်နေတတ်သူမှန်းသိသည့်တီချယ်ကြီးအဖို့ သည်လိုကိစ္စဟာ ထူးဆန်းနေမှာအမှန်ပင်။တီချယ်ကြီးသည်...ကျွန်မတို့ငယ်ရွယ်စဉ်က ဂေဟာတွင် ပရဟိတလာလုပ်ရင်း ခင်ခဲ့ရသူဖြစ်၏။ထိုအချိန်ကတည်းကတီချယ်ကြီးကဆရာမလုပ်သက်၅နှစ်ကျော်ရှိနေပြီးဖြစ်ပြီး ကျွန်မတို့ကလည်း ၂၀ကျော် စွန်းစွန်းလေးတွေပင်ရှိသေးတာကြောင့် ဆရာမကြီးကိုပြောပြီး ကျွန်မတို့ကိုဆရာမလုပ်ရန်တိုက်တွန်းခဲ့သည်။အစကတည်းကဝါသနာပါကြသူများအဖို့ တီချယ်ကြီးအကူအညီပေးသည်နှင့် သည်နယ်ပယ်ထဲသို့၂၀ကျော်ထဲကစတင်ဝင်ရောက်လာခဲ့ကြသည်။ဆယ်ကျော်သက်အရွယ်မှာ တီချယ်ကြီးနဲ့ ခင်မင်ခွင့်ရခဲ့သည်မို့ ဆရာမကြီးပြီးလျှင် တီချယ်ကြီးသည် ကျွန်မတို့သုံးယောက်လုံး၏ဒုတိယမိခင်ဆိုလည်းမမှားပေ။ထို့ကြောင့် တီချယ်ကြီးဟာ ကျွန်မတို့အကြောင်းအကုန်သိနေသူလည်းဖြစ်သည်။
"ဟုတ်တယ်...။"
"ကိုယ့်ကိုကိုယ်လည်း ပြန်ကြည့်ပါဦး ဆယ်ကျော်သက်ကလေးများမှတ်နေလား။
နှုတ်ခမ်းကြီးကလည်း...ဆူနေတာမှ။"
"ဟင်..."
တီချယ်ကြီးပြောမှ ကိုယ့်နှုတ်ခမ်းကိုယ်ပြန်ကိုင်ကာ တကယ်ပင် ဆူထွက်နေသလားစမ်းရသည်။ပုံမှန်အတိုင်းပါပဲ။ ဒါကို ဘာလို့ တီချယ်ကြီးကဆူနေသည်ဟုပြောတာလဲ။
YOU ARE READING
မုန်းခြင်းမှသည် ချစ်ခြင်းဆီသို့ (UNI+ZAWGYI)
Romanceဒီတစ်ခါလည်း age gap teacher ficလေးပါဘဲ။ ဒါကြောင့် Age gap ကိုကြိုက်နှစ်သက်မှသာ ဖတ်ပေးဖို့ညွှန်းချင်ပါတယ်။ Age gap ဖြစ်တာအလျှောက်18+အခန်း ပါချင်လည်းပါသွားနိုင်ပါတယ်၊မပါရင်လည်းမပါပါဘူး။ ဒီficထဲမှာပါတဲ့သီချင်းတွေကိုလည်း crdကြိုပေးပါတယ်။ အမှတ်တရနဲ့မှတ...
