بارت_1#
حاطة الكيت في وذنها تسمع فالغناء و تدندن معاه ...ماانتبهتش للصوت لبرا ينادي باسمها...بين الغناية و الغناية تسمع في أمها تنادي ...مشت تجري مسحت ايدها و طلت عليها من باب الكوجينة...
-نعم يما ناديتني؟؟
-ها طفلة ما تقليش وقتاش تتنحي هالي حاطتهم في وذنك راك باش تطرش ..
-باهي ..شبيك تعيطلي...
-برا لخالتك صالحة جيبلي منها غربال الشعر
ردست عالارض...ماشيةو تخرنن..
-توا بربي صغيرة باش تبعثني ؟؟وزيد من قرب البر اش تيصولني...
دوحت راسها..
-برا تحرك قالتلو بعد باعثاتك للحدود ...الدار هاويني خطوتين قدامك..
وصلت باب الحوش عرضتها مرت خوها سيرين...حنة و حرقوس و يديها تشكشك بالذهب ..رمتلها بوسة فالهواء...
-اشه اشه تبارك الله على عروستنا...سوسو تمشيش تروح قبل ما نجي اقعد ستناني...
تبسمتلها ...-ماتبطاش عطوفة عاد...
مشت تجري و تحكي..
-نمشي كالغزال و نرجعلك...
قعدت تضحك عليها ...
جابت الغربال و راجعة تزرب باش تحلق هي و مرت خوها...فما ثنية تفصل بين أرضهم و أرض عمهم و هي قصت من فم باش فيسع توصل...الثنية هاذي ما يجيبها حد كان للضرورة...عمها كان سارح قريب من فم رمتلو السلام و تعدت..جات باش تقص ..لقت كرهبتو وقفت قدامها..قلبها ولى يدق ..غايضتها روحها كيفاش لعب بيها كيما حب ...شدت دمعتها بالقدرة باش ما تبكيش قدامو...هبط البلار و هو يتبسملها...
-عطوفتي لباس عليك؟؟علاش ما تهزش عليا التاليفون ...
تحب تطبس على حجرة تضربو بيها بين عينيه ..ماشي لبالو ما في بالهاش بخنارو...جت تتعدا و تطفيه عاود تكلم...
-عواطف راني مستاحشك شبيك مطفيتني هذا في عوض ما تقلي كلمة حلوة ..
قربتلو و عينيها حمر كالجمر...كابسة على سنونها....
-تحبني نقلك كلام حلو مالا؟؟؟ شد عندك ...الله لاتربحك و لا تختملك و ان شاء الله فعلك يطيح فيك ...و حسبي الله و نعم الوكيل فيك يا برهان الساقط ...تحب نزيدك ؟؟مزال عندي برشا كلام احلى منو...
طبس راسو فهمها عرفت باللي صار حب يبررلها و يفهمها أما هي حطت صبعها قدام وجهو...
-كيف تشوفني اعمل روحك ماتعرفنيش..
وخرت و بعدت عليه مكملة ثنيتها و على زهرها لقت عمها و مرتو واقفين يتفرجوا...و جارهم جاي مالثنية...حملت الغربال و مشت تهرول ..يدها على قلبها..
