#بارت_
يمشي و يجي قدام المعمل المهلة الي عطهالها اليوم اخر اجلها...حاطة يدها على خدها حتى الخدمة مش مركزة جملة ضربة ثنين ماكلة بخسة من عند ال Responsable ...ضربت الصونوري و البنات الكل خرجوا ما قعدت كان هي و روى...قربتلها حطت يدها على كتفها...خزرتلها على جنب بحيرة ..محتاجتها علخر في هاللحظة ...حابة شكون يدزها و ينفض الغبرة على مشاعرها و يخليها تعرف راسها من ساقها...روى نجمت تفهم الي قاعدة تمر بيه...دارت قدامها شدتلها يديها الزوز و ضمتهم بكفوف راحتها...
-يا مهبولة في بالك انا و جنيد بيناتنا حاجة بالرسمي؟؟ خسارتك في بالي ثقتك فيا أكبر من هكا ...قوم أمشيلو و قلو على الي تحس فيه علاش تخبي ...الفرصة جاتك ليدك ما تضيعهاش ..صدقني جنيد ارجل منو مافمش راو صعيب تلقى شخص يقبلك بهبالك و جنانك و يحبك بلاش مقابل ...علاش تضيعو من يدك ...امس و اليوم يجري وراك غدوة يلقى شكون تعرف قيمتو و تفكو منك و تخليك تعوم فالناشف ..المرة انا مثلت عليك مرة أخرى تجيه غيري و تخلي التمثيل حقيقة وقتها ماعاد يفيدك شي...الاعتراف مش عيب و لا حرام ..الراجل شاريك افرح و فرحو ...متأكدة الي عندك مشاعر تجاهو اما لوقتاش تقعد تكذب في روحك ؟؟ احكي هالكلمتين و ارتاح ...وراس وخيتي لا ينقص منك شي بالعكس حياتك بعد ما تقولهم وين تبدا ..
نسات كل شي و ترمت عليها عنقتها...
-توحشتك والله يا روى سامحني بربي راني والله هبلللت عللللخر كيف ريتكم مع بعضكم و زيد انت قتلي هكاكة ما تتصورش احساسي في هاك اللحظة حسيت بنار شعلت فيا ...ما كنتش،نعرف انو هذا هو الحب ...نحبو نحبو يا روى مانجمتش نتخيلو مع غيري ..نهبل و كان يعملها ...
وقفتها تجبد فيها من يدها وصلتها للباب ..دزتها من تالي و شاورتلها وين واقف...
-أمشي تحرك غمض عينيك و خلي قلبك هو الي يتكلم ...يلااااا قدس نعرفك تقدها...
بلعت ريقها و جبدت نفس و قدمتلو بخطاوي رزان المسافة بيناتهم قد ما كانت قريبة هي تشوف فيها اميال...ما وصلتلو الا بشق الأنفس...وقفت قدامو ...كلام روى في وذنها ..غمضت عينيها تسمع في دقات قلبها...عاودت تنفست بالقوي...واقف يستنى فيها جاء تيتكلم حتى قصت عليه...
-جنيد ندمت على كل نهار ضيعتو بعيدة عليك..ماكنتش نعرف شنوى هو الحب حتى حسيت بغيرتي عليك مااعطيتهاش اهمية و كذبت أما كيف تخيلتك مع غيري الدنيا دارت بيا و النفس قص عليا...مانعرفش وقتاش حبيتك ..الي نعرفو انك وليت النفس متاعي و مانجمش نتخيل حياتي بلا بيك ياتقبلني بعيوبي و هبالي يا تقبلني كيف ما انا ماعندك حتى خيار...
يسمع فيها ويضحك مش مصدق انو و أخيرا ربي نظرلو بعين الرحمة...حط يدو على فمو ..كاتم فرحتو عندو رغبة كبيرة يعنقها و يدور بيها و هي في حضنو و يعيط بعلو صوتو و يقلها راني نحبك و يخلي الڨصرين بأجبالها و بنيانها و خضارها و ناسها تسمع صوتو و تعرف محبتو ليها...ما نجم كان يشدلها يدها و يحطها على قلبو...
