#بارت_
تقامت سهرية بسيطة مقارنة بالاعراس في الدشرة...روحت مالحجامة تصدرت في دار بوها شوي و روحت لدارها وين عاملين حضرة نسائية ...و هو في دار بوه ...مع العشرة متاع الليل ..ركبو جنيد على كرومتو ووراه شباب الدشرة وسط التصفيق و التصفير و هو يحاول في خوه باش يهبطو و جنيد عامل عليه بالعاني ما سيبو الا في فم باب الدار ...دخلوه سامية و أمو الداخل وين تصدر معاها و خذاولهم تصاور ...حكاية ساعة و الناس الكل تفرقوا ما قعدوا كان هوما الزوز...حسها متوترة و داخلة بعضها...سبقها بدل دبشو و توضى باش يصلي ركعتين ...خرج في يدو سجادتين...لقاها مزالت متقرفصة عالديفون ...قرب منها هزلها راسها بيدو...
-قوم بدل و توضى و ايجا نصلوا ركعتين شكر باش ربي يباركلنا زواجنا...
هزتلو براسها و قامت تكركر فالروبة...جات تحل فالسلسلة يدها ما وصلتش قعدت تتعافر معاها...استبطاها خلط وراها لقاها تحاول توصل للسلسلة باش تحلها و مش لاحقة ...من غير لا نطق بحرف ما حست كان بيديه تحطت على يديها و حلت السلسلة ...طول دور وجهو مش حاب يحرق المراحل...
-بدل في عقلك هاني نستنى فيك...
بدلت و توضت و لقاتو حاطلها اسدال فوق الفرش...ما تتفكرش روحها شراتو ..لبست و لحقتو ..خزرلها بتبسيمة على فمو ...
-تبارك الله عليك وجهك نور و الاسدال وتاك...
طبست راسها حاشمة منو...
-يعيشك أنت شريتو؟؟
-ايه عجبك؟؟ عجبني شريتهولك كيف نصلوا نحبك تلبسو...حط يدو على ناصيتها و ردد الدعاء"اللهم إني أسألك من خيرها وخير ما جبلتها عليه، وأعوذ بك من شرّها وشرّ ما فيها وشر ما جبلتها عليه"باسها من جبينها و فرش السجادة و مد ايديه ...
-الي باش نقولو عاودو ورايا باهي؟؟
-باهي..
-وقوّتك، وعزّتك، وقدرتك، أنت القادر على ذلك وحدك لا شريك لك، اللهمّ يا حنّان، يا منّان...يا ذا الجلال والإكرام، يا بديع السّماوات والأرض، يا حيّ يا قيّوم...اللهمّ إنّي أسألك بخوفي من أن أقع في الحرام، وبحفظي لجوارحي، وأسألك يا ربّ بصالح أعمالي...أن تبارك لنا في زواجنا و ان يكون زوجا صالحاً يعينني في أمور ديني ودنياي، فإنّك على كلّ شيءٍ قدير. اللهمّ اغفر ذنبي، وحصّن فرجي، وطهّر قلبي، وان يكون خيرا لي وأنا خيرٌ له، في ديننا، ودنيانا، ومعاشنا، وعاقبة أمرنا، عاجله وآجله،اللهمّ زدني قُرباً إليك، اللهمّ زدني قُرباً إليك، اللهمّ زدني قُرباً إليك، اللهمّ اجعلني من الصّابرين...اللهمّ اجعلني من الشّاكرين، اللهمّ اجعلني في عيني صغيراً، وفي أعين النّاس كبيراً. واللهمّ يا دليل الحائرين، ويا رجاء القاصدين، ويا كاشف الهم، ويا فارج الغمّ، اللهمّ بارك لنا واغننا بحلالك عن حرامك، يا الله، يا كريم، يا ربّ العرش المجيد، ارحمنا برحمتك يا أرحم الرّاحمين...
