احبني رغم عجزي

بارت ١

في منطقه عاديه بالقاهرة داخل هذه العمارة في الدور
الرابع داخل شقه ليست كبيرة ولكن مليئه بالخير والدفئ والحنان كانت الساعه ٧ صباحا تجلس امرأة يبدو عليها كبر السن كانت تصلي وتدعي لأولادها بالستر والصحه وبعد أن خلصت صلاتها قامت لكي تجهز الافطار ولكن سمعت صوت خبط علي الباب تقدمت من الباب وفتحته

فاطمه باستغراب:- حور يابنتي ايه اللي منزلك بدري كدا مش انتوا مش عليكوا كليه النهارده

حور بسرعه ومرح:- للأسف دا اللي كان المفروض بس الدكتور نزل بالليل أن في محاضرة مهمه جدا علي الجروب واكيد بنتك الفاشله مشفتشي الرساله هدخل اصحيها بسرعه

فاطمه:- ادخلي يابنتي علي ما اجهزلكم حاجه تاكلوها

حور بجنان:- تسلمي يا طمطم يا حبيبتي هو دا الكلام

ضحكت فاطمه علي حور ودخلت المطبخ وحور دخلت غرفة سيلين

حور بصوت عالي:- سيييلييييين قوميييي بسرررررعه سقطناااااا

سيلين وهي تقع من علي السرير وعدم وعي:- يالهوي سقطت انا كنت عارفه يالهوي هقول لماما ايه

حور ضحكت جامد عليها لحد ما عيونها دمعت من الضحك:- هههههههه كنت عارفه ايه انك هتسقطي هههههههه هو احنا لسه امتحمنا يا مجنونه هههههه

سيلين بعد ما فاقت شويه قالت بغيظ:- والله يا مهسيبك كل مرة تصحيني بالطريقه دي حراااام عليكي

سيلين طلعت تجري ورا حور وحور طلعت تجري برا الغرفه ومش عارفه توقف ضحك علي منظر سيلين وراحة وقفت ورا فاطمه وقالة:- انا في حمايتك يا طمطم شيلي البنت دي عني عينيها بتطلع شرااار اععععع

سيلين بغيظ:- انا عيني بتطلع شرااار انا بقي هوريكي الشرار يا حور

فاطمه بتضحك عليهم وقالة:- اهدوا بقي يا بنات ويلا يا سيلين اجهزي علشان الكليه

سيلين:- مفيش كليه النهاردة

حور:- لا ياختي في امال انا نازله ليه علشان سواد عيونك مثلا الدكتور بعت علي الجروب أن في محاضرة مهمه يلا انجزي

سيلين بضيق مضحك :- اااااه حسبي الله ونعم الوكيل في الدكتور ده اليوم الوحيد إجازة وهنروح بردك

عدي من رواها بمرح:- حد قالك تدخلي طب ياختي كنتي تسهلي علي نفسك وتدخلي هندسه زيي

سيلين بضحك:- دا علي أساس أن الهندسه اللي سهله اوي

عدي بضحك:- تصدقي عندك حق

حور:- مش هنخلص النهاردة بقي يلا يا سيلين البسي

سيلين:- حااااضر خمس دقائق واكون قدامك

فاطمه:- يلا يا عدي انت وحور اقعدوا في الصاله وانا هجيب الاكل