احبني رغم عجزي

البارت ٦

صلوا على النبي

فاطمه بتوتر:- متقدملك عريس

سيلين بجمود:- وانا مش موافقه ومحدش يفتح الموضوع ده تاني ولا حتي تفكروا فيه

نجلاء:- يا بنتي فكري في الموضوع شويه مش هتخسري حاجه واللي انتي عايزاه هيحصل

حور:- اه يا سيلين فكري الاول

سيلين بسخرية:- بالسرعه دي زهقتوا من عجزي ولا ايه

عدي بحنان'- سيلين انتي هبله ايه اللي بتقوليه ده دا احنا نشيلك في عنينا انتي بنتي مش اختي وماما عمرها ما تزهق منك بس هي اكيد عايزة تطمن عليكي

سيلين بدموع:- وانا مش هقدر اتجوز واشيل مسؤوليه وانا كدا وياريت تفهموني ومين الراجل اللي هيتحمل كدا

فاطمه:- علشان خاطري توافقي يا حبيبتي انا عايزة اتطمن عليكي قبل ما اموت والولد موافق وعارف ظروفك وكويس وابن ناس والله انا عمري ما هسلمك لاي حد وخلاص

سيلين:- بعيد الشر عليكي يا ماما بس هو مين وانتي عارفاه منين اصلا

فاطمه:- تعرفي الاستاذ السالم اللي فضل واقف معانا ايام الحادثه بتاعتك هو ده وجيه وطلب ايدك مني لابنه وقالي ياريت توافق وافقي يابنتي ربنا يوفقك وانتي هتقعدي وتتكلمي معاه لو مش عجبك ارفضي بس ادي لنفسك فرصه علشان خاطري يا سيلين

سيلين عرفت ان سالم عمل كدا علشان انقذته قالت:- انا مش موافقه يا ماما هدخل اريح شويه

عدي:- خلاص براحتها يا ماما دي حياتها

فاطمه بدموع:- ماشي يابني

حور ونجلاء طلعوا وعدي خرج راح الشغل وفاطمه دخلت غرفتها وكانت زعلانه اوي وسيلين في غرفتها قاعدة علي السرير ودموعها نازله علي حالتها وتفتكر حياتها الجايه و في غرفه فاطمه حاسة ان هي تعبانه قامت طلعت الصاله وبتدور علي العلاج بتاعها وداخة اوي ومش شايفه قدامها

فاطمه بتعب شديد:- سيلييين ااااه

سيلين سمعت صوت فاطمه قامت بسرعه من السرير وخرجت وعماله تخبط في كل حاجه قدامها ومش عارفه توصل لامها

سيلين :- ماما انتي فين

فاطمه بتعب :- سيلين الحقيني اااه واغمي عليها

سيلين بدموع:- ماما ردي عليا والنبي ماما اصحي

سيلين راحة علي الباب الشقه وفتحته وقالت بدموع وصوت عالي:- حووور يا حور تعالي والنبي ساعديني

حور كانت تجلس في الصاله مع نجلاء وسمعت صوت سيلين وقامت بسرعه فتحت الباب هي ونجلاء

حور بقلق:- سيلين في حاجه

سيلين بدموع:- حور تعالي بسرعه ماما مس بترد عليا وانا مش شيفاها

حور:- متخافيش يا حبيبتي