احبني رغم عجزي

البارت ٧

صلوا على اشرف الخلق

عدي بابتسامة:- دي سيلين اختي وبنتي

نوران بحب وحنان قامت وحضنتها:- زي القمر يا حبيبتي ربنا يوفقك انتي وأسد يا رب

سيلين بتوتر:- ربنا يخليكي لينا يا طنط

نوران برفض:- لا طنط ايه بعد كدا قوليلي يا ماما ولا ايه

سيلين بابتسامة وخجل:- ماشي يا ماما

سالم :- ازيك يابنتي عامله ايه

سيلين بهدوء:- الحمدلله يا عمو كويسه

سالم:- يعني نوران ماما وانا عمو لا مينفعش كده اسمي بابا وبعدين انتي زي اسيل بنتي

سيلين بابتسامة:- طبعا يا بابا

نور واسيل اتعرفوا علي سيلين بكل حب وبقوا أصحاب أما اسد كان يجلس دون نطق كلمه واحده وكان ينظر بكل اعجاب لسيلين ومن جواه فرحان اوي ونفسه يروح يقعد جمبها ويتكلم معاها وحاسس ان كلام سالم صح وان هي طيبه ومحترمه حيث كانت ترتدي فستان محتشم يغطي جسدها كله باللون الاسمر وبه لمعه بسيطه وتترك شعرها الناري الطويل ينسدل علي ظهرها كانت كتله من الجمال وعلي الجانب الآخر كانت تجلس كارمن وفريدة بكل حقد ينظرون لسيلين بتوعد شديد

سالم بهمس لاسد الجالس جانبه:- هااا ايه رايك في سيلين يا اسد

اسد بدون وعي:- زي الملاك يا بابا وباين أن هي محترمه وطيبه اوي ربنا يوفقنا مع بعض

سالم بضحك علي ابنه :- ربنا يوفقكم يا حبيبي يلا نتكلم مع عدي ولا

اسد بمقاطعة:- لا يلا يلا

سالم :- بص يا عدي يابني احنا عايزين سيلين لاسد ابني وطبعا الانسه سيلين تقدر تتكلم الاول مع اسد وبعدها تقول قرارها ودا يكون افضل ليها

عدي:- خلاص ماشي اسد تقدر تاخد اسيل وتتكلموا في الغرفه بتاعتها

سيلين بخجل:- احنا ممكن نقعد هنا ونتكلم

سالم :- لا علشان تاخدوا راحتكم اكتر يابنتي

اسد بتفهم:- خلاص ندخل الغرفه ونسيبها مفتوحه

سيلين بخجل:- ماشي تعالي يا حور دخليني

حور مسكت ايد سيلين ودخلتها الغرفة وأسد ماشي وراهم ودخل وحور خرجت وسابت الباب والكل برا قاعد يتكلم مع بعضه بحب ماعدا كارمن وفريدة طبعا

في داخل الغرفة ظل اسد ينظر للغرفة المتواضعة والصور سيلين الجميله وبعض الصور المجنونه وصور ليها هي وفاطمه وعدي وحور وكثير من الشهادات العليا في جميع مراحل تعليمها ويوجد درع كبير علي المكتب عليه اسمها ويوجد كثير من الكتب

اسد ليخرجها من خجلها:- باين اوي انك شاطرة في التعليم

سيلين بحزن:- اه كنت بحبه اوي وكان نفسي اوصل لحاجه كبيرة واكون اكبر دكتورة جراحه في مصر