اللهم صل وسلم وزد وبارك على سيدنا محمد واله عدد كمال الله كما يليق بكماله
اسد بقلق:- في ايه يا بابا
سالم:- سيلين ضحت بنفسها علشاني
اسد بعدم فهم:- مش فاهم قصدك ايه وضحت ازاي
سالم بحزن:- بص يابني المفروض كنت أنا اللي ابقي مكان سيلين
اسد:- ازاي يعني يا بابا
سالم:- انا هقولك ..........وحكي له ما حدث يوم الحادث وإنقاذ سيلين له .....وبس كدا دا كل اللي حصل
اسد بصدمه:- ازاي تعمل كدا وليه يا بابا متعرفنيش
سالم بحزن:- والله يابني انا مش عارف ازاي في بنات كدا تضحي بحياتها علشان حد غريب قدامها وبعد دا كله طلبت مني محدش يعرف اني كنت هبقي مكانها بس انا حسيت انك لازم تعرف حاجه زي دي وتعرف أن انت معاك جوهرة حافظ عليها كويس يا اسد سيلين عمرك ما تعرف تلاقي زيهها روح يابني روح ورجع مراتك وخدها في حضنك وحافظ عليها ربنا يخليكوا لبعض
اسد بهدوء:- لو سمحت يا بابا عندي مشوار مهم
سالم:- روح يا اسد ربنا يهديكوا لبعض
اسد خرج من المكتب وهو مش مصدق الكلام اللي سمعه ازاي في بنت تعمل كدا وبعد دا كله كان هيغلط غلطه كبيرة في حقها طلع غرفته لقاها نايمه علي الارض في جمب و دموعها مازالت علي وجنتها قرب منها ومسح دموعها و شالها بين ايديه ونزل وركب سيارته وركبها بجانبه ووصل بيتها ورن الجرس وفاطمه فتحت الباب لقت اسد شايل سيلين
فاطمه بخوف:- سيلين مالها
اسد؛- متخافيش دي كانت معايا ونامت مرضيتش اصحيها قولت اشيلها
فاطمه:- كتر خيرك يابني تعالي دخلها
اسد دخل غرفة سيلين ونيمها علي السرير وفضل يبص علي ملامحها الجميله بحب وحنان وباس جبينها وخرج
فاطمه:- اقعد يا اسد شويه عدي وكنان جايين في الطريق
اسد:- هاجي في وقت تاني بس علشان الوقت اتاخر وعايز اريح علشان عندي شغل بدري
فاطمه:- ماشي يابني ربنا معاك
اسد خرج من العمارة وركب سيارته وكان حاسس أنه في دوامه ورجع بذاكرته ليوم زفافه قبل شهور
Flash back
يوم فرح سيلين وأسد بعد ما الفرح خلص اسد طلع سيلين الغرفه وجاله مكالمه مجهوله وخرج يرد عليها
اسد:- الو
المجهول:- اهلا اهلا اسد باشا
اسد باستغراب:- مين معايا
المجهول :- مش لازم تعرف مين معاك بس اللي لازم تعرفه انك لازم تنفذ كل اللي هقولك عليه
اسد بعصبية؛- انت مين وعايز ايه
أنت تقرأ
احبني رغم عجزي
Randomتقدم لها رغما عنه ولكن منذ ما وقع عينيه عليها وقع في حبها رغم قسوته وعدم حبه للزواج لكن هل هي أحبته أو كبريائها سيرفضه لأنها ستري حبه لها مجرد شفقه
