صلوا على الحبيب
ايهم:- اسيل انا اسف
اسيل باستغراب:- اسف على ايه
ايهم وقف قدامها وقال:- انا اسف على الكلام اللي قولته واحنا مسافرين مكنتش اعرف حاجه عن الموضوع ده
اسيل بترقب:- موضوع ايه
ايهم:- انا عرفت أن احمد اللي رن عليكي يومها دا ولد وبيضيقك وانا جمبك ولو ضايقك تاني عرفيني وياريت متزعليش من الكلام اللي قولته مش عارف قولته ازاي
اسيل بسخريه:- ههه لا شكرا مش عايزة اي مساعده وعندي اخواتي يساعدوني واه كمان انا عمري ما هنسي الكلام اللي قولته انت ناسي قولت ايه دا انت قولت كلام يكسر اي بنت و ملكشي دعوة بيا وخليك في البنات اللي تعرفهم يا استاذ ايهم عن اذنك
ايهم بندم:- اسيل استني
اسيل سبته ومشيت وأيهم فضل واقف ندمان ومش عارف يعمل ايه وقعد يفكر أما اسيل طلعت غرفتها وقعدت علي السرير وفضلت تعيط كل ما تفتكر الكلام اللي قاله ونور دخلت لقيتها بتعيط
نور بقلق:- اسيل بتعيطي ليه
اسيل وهي بتمسح دموعها:- مفيش حاجه
نور:- لا والله قولي بقي في ايه
اسيل:- مخنوقه شويه وهبقي كويسه
نور:- هحاول اصدقك بس هستني تيجي تحكيلي
اسيل:- طب يلا نخلص علشان ننزل
______________________________
في شقة سيلين كانت تجلس في غرفتها ومعها حور
حور:- سيلين البسي الفستان ده
سيلين:- لا يا حور مش بحبه
حور:- يا سيلين والله جميل انتي اللي ناسيه شكله
سيلين بدموع:- اه عندك حق ما انا مش شوفته من زمان
حور بندم وبتمسح دموع سيلين:- انا اسفه والله مش قصدي ازعلك خلاص مش هتلبسيه
سيلين:- يا حبيبتي مش زعلانه عادي خلاص هلبسه
كنان من الخارج:- يلااا انجزوا هنتاخر
روح بمرح طفولي:- هي العروسه و تتأخر براحتها
كنان بضحك:- ماشي ياختي اخلصوا
سيلين :- يلا نلبس علشان هنتاخر
روح بمرح طفولي:- شكلك مستعجله علشان تشوفي اسد أنا كمان عايزة اشوفه اوووي
سيلين بخجل:- روح اسكتي
حور بضحك:- خلاص خلاص اسكتي يا روح ههههه
في الصاله كانت تجلس فاطمه ومعها عدي وكنان ونجلاء
فاطمه:- رن علي اسد كدا يا عدي وشوفهم هيخرجوا امتي
أنت تقرأ
احبني رغم عجزي
Randomتقدم لها رغما عنه ولكن منذ ما وقع عينيه عليها وقع في حبها رغم قسوته وعدم حبه للزواج لكن هل هي أحبته أو كبريائها سيرفضه لأنها ستري حبه لها مجرد شفقه
